¹ Yesu atangite kuwa Mafarisayo bayowine kuwa Yesu abile abafundisha ni kuabatiza zaidi ya Yohana. ² (Ila Yesu mwene abatiza kwaa ila banapunzi bake), ³ Aboi Yudea no yenda Galilaya. ⁴ Ibile muhimu peta Samalia. ⁵ Paikite mu nnema wa Samaria, wakemelwa Sikari, papipi ni lieneo lya Yakobo atikumpea mwana wake Yusufu. ⁶ Na lose lwa Yakobo lwabile palyo. Yesu atitotokelwa kwaa safari na atami papipi na lose. Wabile muda wa mutwekati. ⁷ Nwawa Msamalia aisile teka mase, na Yesu kammakiya, "Unipei mase niywee." ⁸ Kwa kuwa anapunzi bake babile batiyenda mjini pema chakulya. ⁹ Yolo nnwawa atikummakiya, "Ipalika namani wenga wa Myahudi, kunloba nenga Msamaria, kilebe cha nywaa?" Kwa mana Ayahudi kabachangamana kwaa na Asamalia. ¹⁰ Yesu kannyangwa, "Mana utangite karama ya Nnongo, na yolo ywakumakiye "Mbei mase,' ywalowa kunnoba, nai kukupeya mase ga ukoti." ¹¹ Nwawa kayangwa, "Ngwana ubile kwaa na ndoo yotekya, na lose sabile lulaso. Walowa kugapata wapi mase ga ukoti? ¹² Je wenga nga nkolo, kuliko tate bitu Yakobo, ywatupeile kiembwa, na ywembe mwene na bana bake pamope na mifugo yake banywea mase ga lose chino?" ¹³ Yesu kanyangwa, "Yeyoti ywanyaa mase aga alowa pata kiu kae? ¹⁴ lakini ywembe ywa nywaa mase ganipea nenga alowa pata kwaa kiu kae. Badala yake mase ganimpeya yapangika chemchem yaibubujika hata milele." ¹⁵ Yolo nnwawa kammakiya, "Ngwana, naloba ago mase ili kana niipate kiu, ili kana niangaike kuisa pano kutola mase." ¹⁶ Yesu kammakiya, "Uyende ukankeme nchengo wako." ¹⁷ Nwawa kammakiya, "Nibile kwaa na nchengo." Yesu kanyangwa, "Ubayite sapi,'Nibile kwaa na nchengo,' ¹⁸ Mana ubile ni analome atano, na yumo ywabile naye nambeambe na nchengo wako kwaa. Katika lelo ubayite ukweli!" ¹⁹ Nwawa kammakiya, "Ngwana nabweni kuwa wenga wa nabii. ²⁰ Tate bitu babile bakiabudu mu'kitombe chelo. Lakini mwenga mwabaya ya kuwa Yerusalemu nga pandu ambapo bandu bapaswa kuabudu." ²¹ Yesu kanyangwa, "Nwawa, niamini, muda uisile mwalowa abudu kwaa Tate mu'kitombe chelo au Yerusalemu. ²² Mwenga bandu mwakiabudu kilebe chamukitangite kwaa, lakini twenga twaabudu chelo twakitangite, kwa mana wokovu uboka kwa Ayahudi." ²³ Hata nyoo, muda waisa, na mbeambe ubile pano, muda balo baabudu kweli balowa kumwabudu Tate atikuwapala bandu wa aina yee kupangika bandu babile bamwabudu. ²⁴ Nnongo na Roho, na balo bamwabudu bapalikwa kumwabudu kwa roho na kweli." ²⁵ Nnwawa kammakiya, "Nitangite kuwa Masihi anaisa, (Ywakemelwa Kristo). Aywo mana aisile alowa kutubakiya yoti." ²⁶ Yesu kammakiya, "Nenga ubayite ninenga nga ywembe." ²⁷ Muda woo anapunzi bake babuyangine. Nabo batishangala kwa namani abile kaalongela na nwawa, lakini ntopo ywathubutu kunnobia, "Upala namani?" au "Kwa mwanja namani ulongela na ywembe?" ²⁸ Yolo nnwawa aulekite mtungi wake na kuyenda mjini kuamakiya bandu, ²⁹ "Muise kunlola mundu ywanibakiye makowe gangu yoti ganipangite, je yawezekana kuwa nga Kristo?" ³⁰ Baboi mjini na kuisa kwake. ³¹ Muda wa mutwe kati anapunzi bake batikunnoba kababaya, "Rabi ulye chakulya." ³² Lakini ywembe kaabakiya, "Nenga nibile ni chakulya mukitangite kwaa mwenga," ³³ Anapunzi bake kabakokeyana, ntopo ywaletike kilebe chochote kulya," je baletike? ³⁴ Yesu kaamakiya, "Chakulya chango ni kugapanga mapenzi gake ywembe ywanitumile na kwitimiza kazi yake. ³⁵ Je mulongela kwaa,'Bado miezi itano na mauno gapangika tayari?' Naabakiya mulinge migunda yabile tayari kwa mauno. ³⁶ Ywembe ywauna upokya mishahara na kukusanya matunda kwaajili ya ukoto angeyomoka, ili ywembe apandae ni ywembe ywauna bapuraike mpamo. ³⁷ Kwa mana lilongelo lee ni lya kweli,'Yumo ywapanda na ywenge auna.' ³⁸ Natikwatuma una chabile mwakihangaikia kwaa. Benge bapangite kasi na mwenga mujingya mu'puraha ya kasi yabe." ³⁹ Asamaria baingi mu'mji wolo batimwamini kwa taarifa ya yolo nnwawa ywabile atishuhudia."Ywanibakiye makowe goti yanigapangite." ⁴⁰ Nyoo Asamaria baisile kunnoba atame pamope nabo na katama kwao kwa masoba abele. ⁴¹ Na baingi muno batikumwanini pitya neno lyake. ⁴² Bammakiye yolo nnwawa, "Tutiamini kwa maneno gako kwaa kae, kwa mana twenga twabene tuyowine, nambeambe tuyowine kuwa hakika ywembe nga mwokozi wa ulimwengu." ⁴³ Baada ya masoba ago abele, atiboka nai kuyenda Galilaya. ⁴⁴ Kwa mama ywembe mwene abile atitangaza kuwa nabii abile kwaa na heshima mu'nnema wake mwene. ⁴⁵ Paaisile kuoma Galilaya, Agalilaya batikumpokya. Babile babweni makowe goti agapangite Yerusalemu mu'sikukuu, kwa mana na bembe babile mu'sikukuu. ⁴⁶ Aisile kae Kana ya Galilaya kolo atigabadilisha mase kuwa divai. Pabile ni ofisa mwana wake abile mtamwe kolyo Kapernaumu. ⁴⁷ Payowine kuwa Yesu aboi Yudea ni yenda Galilaya, kayenda kwa Yesu na kumsihi auluke kumlopwa mwana wake, ywabile karibu ya kiwo. ⁴⁸ Nga Yesu kammakiya, "Mwenga pamwaibweni kwaa ishara na maajabu muweza kwaa aminiya. ⁴⁹ Kiongozi kabaya, "Ngwana uluka pae kabla mwana wangu kuwaa." ⁵⁰ Yesu kammakiya, "Uyende mwana wako na nkoto." Yolo mundu aaminiya neno lyalibayite Yesu na yenda zake. ⁵¹ Paabile auluka, amanda bake kabampokya na kummakiya mwana wake abile nkoto. ⁵² Kaalaluya ni muda gani aupatike ukoto. Kabannyangwa, "Jana muda wa saa saba homa yanlekite." ⁵³ Nga tate bake atangite kuwa ni muda wowolo Yesu abayite, "Mwana wako nga nkoto." Nyoo ywembe na familiya yake baaminiye. ⁵⁴ Ayee yabile nga ishara yana ibele yapangite Yesu palo aboite Yudea yendya Galilaya.