¹ Hata lyagano lya kwanza lyabile na sehemu ya ibada pano pakilambo na taratibu za ibada. ² Mana mu'hema kwabile na chumba chabile chatiandaliwa, chumba cha panja, pakemilwe pandu patakatifu. Mu'lieneo lee pabile na kinara sa taa, meza na mikate ya wonyesho. ³ Nga nchogo ya pazia lya ibele pabile na chumba chenge, pakemilwe pandu patakatifu muno. ⁴ Mwabile na madhabahu ya dhahabu kwa kufukiza uvumba. Mwabile lisanduku lya liagano, lyalibile lichengwile kwa dhahabu. Nkati yake pabile na bakuli lya dhahabu lyabile na manna, fimbo ya Haruni yatiota manyei, na zabile mbao za maliwe ya liagano. ⁵ Nnani ya lisanduku lya liagano maumbo ga maserafi ga utukufu batifunika mabawa yabe nnongi ya iteo sa upatanisho, ambacho twaweza kwaa kulielezea muno. ⁶ Baada ya ilebe yelo kuba vyaishilwe andaliwa, Makuhani kawaida ujingya mu'chumba cha panja cha hema kutoa huduma zabe. ⁷ Lakini kuhani nkolo ujingya chelo chumba chenaibele kichake mara jimo kila mwaka, na bila kuacha kutoa sambi kwaajili yake kichake, na kwa sambi za bandu wazipangite bila kusudia. ⁸ Roho Mpeletau atishuhudia kuwa, ndela ya pandu patakatifu muno bado yayongoli kwaa mana lelo hema lya kwanza bado liyemi kwaa. ⁹ Lee nga kielelezo sa muda woo waubile. Zawadi zoti na dhabihu ambazo zatitolelwa vyaweza kwaa kamilisha dhamiri ya ywaabudu. ¹⁰ Nga chakulya na kinywaji kichake vyatiyanganiya mu'namna ya taratibu ya ibada ya kujipanga safi. Vyoti vibile nga taratibu za yega vyabile vyapangilwa iise amri yaayambe yaipalikwa bekwa pandu pake. ¹¹ Kristo atiisa kati kuhani nkolo wa makowe yanoite ambayo yatiisa. petya ukolo na ukamilifu wa hema kolo lya lipangilwe kwaa mu'maboko ga bandu, ambao babile kwa baulimwengu woo waumbilwe. ¹² Yabile kwaa ga mwai ya mbuzi na ndama, ila kwa mwai yake mwene kuwa Kristo ajingii pandu patakatifu muno mara jimo kwa kila yumo na kutuhakikishia twenga ukombozi wangayomoka. ¹³ Kati kwa mwai ya mbuzi na mafahari kaganyunyiziwa kwa majivu ya ng'ombe achunu mu'balo balyo asafi kwaa batengwilwe na Nnongo na kupanga yega yabe inoyite. ¹⁴ Je nga muno kwaa mwai ya Kristo yabile petya Roho wangayomoka ayilekite mwene bila mawaa kwa Nnongo, panga safisha dhamiri yitu kuoma makowe gakiwo kuntumikya Nnongo ywabile nkoti? ¹⁵ Kwa mana eyo, Kristo nga mjumbe wa liagano lyayambe. A yee nga sababu kiwo chaalekite huru bote babile mu'liagano lya kwanza kuoma mu'hatia ya sambi zabe, ili boti balo babakemelwa na Nnongo baweze pokya ahadi ya urithi wabe wangeyomoka. ¹⁶ Kati kwabile ni liagano latidumu, lazima thibitisha kwa kiwo cha mundu yolo ywapangile. ¹⁷ Agano lyabile na ngupu pandu kwapangite kiwo, kwa mana kwabile kwaa ngupu mu'mwene kulipanga ywabile nkoti. ¹⁸ Eyo hata lelo lkwaa liagano lya kwanza lyabekilwe bila mwai. ¹⁹ Palyo Musa abile ammoywi kila lyagizo lya saliya kwa bandu boti, katola mwai wa ng'ombe na mbuzi, pamope na mase, kipande sa ngobo kikele, ni hisopo, na kwinyunyiza gombo lyene na bandu boti. ²⁰ Boka po kabaya, "Yee nga mwai ya liagano lyabile Nnongo kabapea amri kwinu. ²¹ Mu'hali yeyelo, atinyunyiza mwai nnani ya hema na iyombo vyatitumilwa mu'huduma ya ukuhani. ²² Na lengana na saliaya, karibu kila kilebe chatitakaswa kwa mwai. Bila kumwaga mwai ntopo samehelwa. ²³ Kwa eyo yabile lazima kuba na nakala ya ilebe ya kumaunde sharti isafishwe kwa yeno dhabihu ya anyama. Hata eyo, ilebe ya kumaunde vyene vyapalikwa kusafishwa kwa dhabihu yabile inoyite muno. ²⁴ Mana Kristo ayingya kwaa pandu patakatifu muno papangilwe na luboko, ambayo nga nakala ya ilebe halisi. Badala yake atijingya kumaunde mwene, pandu ambapo ywabile nnongi ya minyo ba Nnongo kwaajili yitu. ²⁵ Ayingii kolyo kwaajili ya kwitoa sadaka kwaajili yake mara kwa mara, kati afarisayo kuhani nkolo, ywabile ajingii pandu patakatifu muno mwaka baada ya mwaka pamope na mwai ya ywenge, ²⁶ Kati eyo yabile kweli, bai yabile lazima kwabe teseka mara ganansima muno tangu mwanzo wa dunia. Lakini mara yimo mpaka mwisho wa miaka yayongolelwa kuboywa sambi kwa dhabihu yake mwene. ²⁷ Kati yaibile kwa kila mundu alowa waa mara yimo, na baada ya eyoo yaisa hukumu, ²⁸ Nga eyo Kristo na ywembe ywabile ammoyitwe mara yimo kuziondoa sambi za bengi, kwa kusudi kwaa lya shughulikya sambi, bali kwa ukombozi wa balo babile bakinsubiri kwa saburi.