¹ Eyo alongo atakatifu, ayeketya nkemo wa kunani, mumlogwe Yesu, Mtume na kuhani nkolo wa ukiri witu. ² Aimwaminifu kwa Nnongo ansangwile, kati Musa ya abi mwaminifu iyeya, munyumba ya Nnongo. ³ Kuba Yesu atekuhesabiwa kuba na heshima ngolo muno kuloka ya abi nayo Musa, mwalo asenga nyumba abonekana abi na heshima ngolo kuliko ya nyumba yene. ⁴ Kila nyumba usengwa na mundu, lakini ywa asengite kila kilebe ni Nnongo. ⁵ Musa abi mwaminifu kati mtumishi munyumba ya Nnongo, kapiya ushuhuda wa galyo galongelwa. ⁶ Kristo ywembe ni mwana wa kuyemia munyumba ya Nnongo. Twenga twa nyumba yake mana tukamwaminiye kwa haraka na kuamini mufahari ya kuyiamini. ⁷ Kwa eyo, kati Roho Mtakatifu eyo akoya, "leno mana uyowine sauti yake, ⁸ Kana uutende mwoyo wako kunnonopa kati Aisraeli ya batei muuasi, palyo kageywa mpongote. ⁹ Gono wabi wakati Tate binu bateniasi kwa kunigeya, na wakati miaka arobaini babweni matendo gango. ¹⁰ Nipulaiswe na kibelei eso, Nakoiye bandu oba kila mara muminyo yake na batangite kwa ndela yango. ¹¹ Kati ya nilapike muhasira yango, Bajingya kwaa muraha yango." ¹² Mbe na m, alango, alongo kwa mwise kuba na mwoyo mwou wa kutokuyeketya yumo winu, mwoyo wayenda kutalu na Nnongo ywa abi nkoto. ¹³ Mpeyane mayegeyo yanoite kila lisoba kila yumo niayabe, ili kila lisoba mbe kamupala, nkati yeno hata yumo kana atendwe mnonou musambi. ¹⁴ Mana twi pamope ni Kristomana tuikamana ninye nakuyema kwitu kwa ngupu kwake kuoma mwanzo hadi mwisho. Kwa leno likoiywe, ¹⁵ "Leno mana mwapenya sauti yake, kana muitende mioyo yinu kunonopa, kati ya Aisraeli yabatei wakati wa uasi." ¹⁶ Nyai abo baaniyowine Nnongo na kaba muasi? Baikwa balyo alongwiye Musa kuoma Misri? ¹⁷ Akina nyai Nnongo atekubakasirikia kwa miaka arobaini? Sio pamwepe ni balyo batei sambi, palyo bawile yega yabe yagonzike kulisangwaa? ¹⁸ Nyai abo Nnongo aalapile bayingya kwaa kuraha yake, mana balyo kwaa bankotike ywembe? ¹⁹ Tubona bawesike kwaa kujingya kuraha mwalo bankotike kwaa.