¹ Kwa nyo, mube bandu ba kunkengama Nnongo, kati mwa bana bake aapendile. ² Mutyange mu'lipendo. nyonyonyo kati yaatupendile Kristo twenga, aijitoa mwene kwa ajili yItu. Ywembe abile sadaka nai dhabihu, kuwa harufu inoyite ya kumpuraisha Nnongo. ³ Umalaya na uchafu wowoti na tamaa inoyite kwaa lazima ibalangwe kwaa nkati yinu, kati ipalikwe kwaa baaminiyo, ⁴ wala machukizo gabalangwe kwaa, malongelo ga kipumbavu, au mizaha ya udhalilishaji, ambayo yabile sawa kwaa, badala yake muipange shukrani. ⁵ Mwaweza kuba na uhakika ya kuwa kwabile na umalaya, uchapu, wala ywatamaniya, aywoo aabudu lisanamu. abile kwaa na urithi wowoti mu'upwalume wa Kristo ni Nnongo. ⁶ Mundu ywoywote kana akubakiye ubocho kwa maneno matupu, kwa sababu ya makowe aga hasira ya Nnongo yaisa nnani ya bana babile kwaa na utii. ⁷ Nga nyoo kana ushiriki pamope nakwe. ⁸ Kwa kuwa mwenga mwanzo mwabile libendo, lakini nambeambe mwabile bweya mu'Ngwana. Nga nyoo mutyange kati bana ba mweya. ⁹ Kwa kuwa matunda ga mbeya gatijumuisha uzuri woti, haki na ukweli. ¹⁰ Muipale chelo chakimpuraisha Ngwana. ¹¹ Kana ube na ushiriki mu'kazi ya libendo zabile kwaa na matunda, badala yake zibekwe wazi. ¹² Kwa mana makowe yapangilwe na bembe mu'siri nga aibu muno hata kugabaya. ¹³ Makowe goti, yayowanike pitya bweya, hubekwa wazi, ¹⁴ Kwa kuwa kila kilebe chayowanike kwaa chapangilwa kuwa mu mbeya. Nga nyo ubaya nyoo, "Uluka, wenga waugonjike, na uluka kuoma mu'kiwo na Kristo alowa ng'ara nnani yako." ¹⁵ Nga nyoo mube makini pamutyanga, kati kwaa bandu babile kwaa werevu ila kati werevu. ¹⁶ Muukomboe muda kwa kuwa masoba ni ga ubou. ¹⁷ Kana Mube ajinga, badala yake, mutange namani apenzi ba Ngwana. ¹⁸ Kana mulewe kwa wembe, uyongeyekeya mu uharibifu, badala yake mjazwe na Roho Mpeletau. ¹⁹ Mulongele ni kila yumo winu kwa zaburi, na sifa, na nyimbo za rohoni. Muimbe na musifu kwa mwoyo wa Ngwana. ²⁰ Daima muiboye shukrani kwa makowe yote mu'lina lya Kristo Yesu Ngwana witu kwa Nnongo Tate. ²¹ Mwileke wene kila yumo kwa ywenge kwa heshima ya Kristo. ²² Anwawa, mwileke kwa alalome wine, kati kwa Ngwana. ²³ Kwa sababu nsengo nga ntwe wa nnyumbo, kati Kristo abile ntwe wa kanisa. Nga mkochopoli wa yega. ²⁴ Lakini kati likanisa. Nga mkochopoli wa yega. Lakini kati likanisa lyabile pae ya Kristo, nyonyonyo wake lazima apange nyoo kwa analome bako mu'kila likowe. ²⁵ Analome, mwapende anyumbo binu kati yelo Kristo alipendile likanisa na kuitoa mwene kwa ajili yake. ²⁶ Apangite nyoo ili libe takatifu. Alilitakasa kwa kuliosha mu mase mu'neno. ²⁷ Apangite nyoo ili aweze kujiwasilishia mwene likanisa tukufu, bila kuwa ni lidoa wala waa au kilebe chakipangilwa na aga, badala yake ni takatifu libile kwaa ni kosa. ²⁸ Kwa ndela yeyelo, analome bapalikwa kuwapenda anyumbo wabe kato yega yabe. Yolo ywampenda nnyumbo wake ayipenda mwene. ²⁹ Ntopo hata yumo ywauchukya yega yake. ³⁰ Badala yake, huurutubisha na kuupenda, kati Kristo alipendile likanisa. Kwa kuwa twenga twaashiriki ba yega yake. ³¹ "Kwasababu yee nnalome alowa kunleka tate bake ni mao bake na kwembana na nyumbo wake, na bembe abele babile yega yimo." ³² Awoo wabile ubonekana kwaa. Lakini niabaya kuhusu Kristo na likanisa. ³³ Lakini, kila yumo winu lazima ampende nnyumbo wake kati mwene, na nyumbo lazima amweshimu nsengo we.