¹ Lukolo, neke munu abatuwe katika wanangifu, nyenye yemuvakiroho, mnawiwa kumuwisa uyo lukolo katika numbura ya uyingafu kuno pemwikulola venekaye ili mbihile kugechuwa. ² Mukinyamuli misigo na kwa hiyo mukamilisa sheria ya kristo. ³ Neke munu yeyuonda akilola ni bora wakati si kunu, akichanga mwene kaye. ⁴ Kila munu na ayipime kasi yake kisha aveche na kinu mwenbe kaye weka kwa kukisifu, bila kulinganishwa mwene kaye na munu yeyonda. ⁵ Maana kila munu anyamula msigo gwake mwene kaye. ⁶ Munu yeafundisilwe luchowo lasima amushilikishe manofu gonda mwalimu vake. ⁷ Mbihile kuchangwa. Mulungu haziakiwi kila kyeevyala munu, ndikyo kyeebena pia. ⁸ Kila yeevyala mbeyu katika asili yake ya sambi abena wanangifu, lakini mwene yeevyala mbeyu katuika numbura, abena wimi gwa milele kuhuma kwa numbura. ⁹ Tubihile katika kufwahila katika kugola manofu, maana kwa wakati gwake abene ikiwa setwidumula tamaa. ¹⁰ Ndeni basi, wakati petwivecha na nafasi tugole nofu kwa kila yumwi. Tugole nofu saidi hasa kwa yevemgati ya Imani. ¹¹ Mulole ukomi wa chechivandikie kwa liwoko lyangu mwene kaye. ¹² Vala yevakelege kugola nofu kwa mtazamo gwa muvili ndiye vene kuvarasimisa mtahiliwe. Vegola ndee kwa sababu vabihile kwingila kwenye mateso ga msalaba gwa kristo. ¹³ Maana ata ave yevatahiriwe venekaye sevekolela sheria. Badala yake vesaka nyenye mtahiriwe ili vawese kwifunila mivili gyenu. ¹⁴ Yibihile kuhumila nikifune isipokuwa kwa msalaba gwa mtwa vetu yesu kristo, ni katika mwene mulidungulu usulubiwe kwa nene na nene katika lidungulu. ¹⁵ Kwa kuvecha haijalishi au kutokutahiriwa kuvecha nui kinu. Bada lake uvegalo mpya ni muhimu. ¹⁶ Kwa vonda vene kwikala kwa kanuni iyi, vaveche na amani na rehema yivecha pakyanya yao wonda, na pakyanya ya Israeli ya Mulungu. ¹⁷ Tangu nondee munu yeyonda asinitaabishe, maana nduinyamuwe chapa ya yesu mumuvili gwangu. ¹⁸ Mkenda gwa mtwa vetu yesu kristo iveche na numbura chenu, lukolo, Amina.