¹ Aba, bakareja samah aba Iyo, manak gak norong'k omo gek me narima anugerah Allah aba sia-sia. ² Ntam'p, Iyo berfirman: "Pas waktu Oko banenan, Oko ngoping'k omo, aba pas onu kasalamatan, Oko nulong'k omo." Pantaulah, jong'k nto, odelah waktu yang bakenan nyen. Pantaulah, jong'k nto odelah onu kasalamatan nyen. Yesaya 49:8 ³ Manak me munyok sadungan ka osih pun't gek pelayanan manak me canela, ⁴ ngalain't neh dalam'p segala manak nunyok manak dodop mpah palayan't-palayan't Allah, aba penuh ketabahan dalam'p samuyak panarita, kasesak, kasukar, ⁵ pangkong'k, pemejaran, karusoh, jerih payah, me jujor, kalapar, ⁶ aba penuh kemurniaan, pangantaok, kasabar, kemurahan, Roh Kudus, kaseh yang tulus, ⁷ perkataan kabenar, kuasa Allah, sanyata kabenar di dalam'p tongan kanan aba kibak, ⁸ kemuliaan aba kehinaan, umpatan aba pujian, nanggap mpah penipu-penipu padahal manak omat. ⁹ Manak mpah me kanenal, tetapi takenal; mpah yang nyomak nak kobis, tetapi pantaulah, manak midop;mpah onya yang dihajar, tetapi me kobis; ¹⁰ mpah yang badukacita tetapi selalu basukacita, manak miskin't tetapi me nyuroh onya lain't kaya, madeh onih-onih , tetapi odeh bang'k nem pongan neh. ¹¹ Manak dah ngamukah tukok manak ka omo, hai onya Korintus, oti manak tabukah aih. ¹² Omo me banatas oleh manak, tetapi omo banatas oleh oti omo dodop. ¹³ Jong'k nto, nak balasan yang sama -- oko baromong mpah ka onak-onak oko -- bukaklah pulak oti omo aih-aih. Pasangan yang Me Saimang'k ¹⁴ Mesah manyadi pasangan yang, me saimang'k aba onya-onya yang me pacayak. Ntam'p, pasamaan onihkah yang odeh antara kabenar aba kajakat? Atau, persamaan onihkah yang odeh di antara terang'k aba sagam'p? ¹⁵ Kasempatan onihakah yang odeh Kristus aba Belial? Atau, bagian onih yang odeh di antara onya pacayak aba onya yang me pacayak? ¹⁶ Aba,kasempatan onih yang odeh di antara Bait Allah aba berhala-berhala? Ntam'p,odop odelah Bait Allah yang midop, mpah firman Allah, "Oko nak montik di dalam'p denak aba bajalan't di antara denak, aba Oko nak manyadi Allah denak, aba denak nak manyadi umat-Oko." Imamat 26:11-12 ¹⁷ "Ntam'p nyen, kaluarlah omo dari tuda-tuda denak, aba bapisahlah,"je Tuhan. "Aba, mesahlah manjamah onih yang najis, maka Oko nak menerima omo." Yesaya 52:11 ¹⁸ "Aba, Oko nak manyadi Bapa nak omo, aba omo nak manyadi onak-onak-Oko dari aba ak-onakOko dayong'k," pecen'tlah firman Tuhan, yang Mahakuasa. 2 Samuel 7:14;7:8