¹ Lobe iyan,saudara-saudaraku yang kakasihi dant yang aku rinuk'n yang majandi sukacitaku, badiritlah ongan toguh dalamp Tuhatn. ² Aku sangat muhun kapada Euodia dant ongan Santikhe akek hidup rukunt dalamp Tuhatn. ³ Ya, aku minta ongan iko sahabat-sahabat sajatiku, tuluklah batinak-batinak ini lobe siak udah bakaroja koras ongan aku akek palayatn Injil, Klemens dant kawant-kawant sakarojaku yang damanya ditulis dalamp buku kehidupan. ⁴ Basukacitalah dalamp Tuhatn. sakali lagi kupadahan basukacitalah! ⁵ Biarlah kalomut'n hatiko ditihat samua urakng. Tuhatn udah dampik. ⁶ Hinang khawatir tontakng apepan. Namun, dalamp sagala sasuatu ditihat'n kapada Allah dalamp doa dant pamohon'n dant ucapan syukur. ⁷ Damai sejahtera Allah malobihi sagala pengertian haga'n manjaga hati dant pikiranko dalamp Yesus Kristus. ⁸ Akhir'a saudara-saudara, samua yang bonar, yang mulia, samua yang adil, samua yang suci, samu yang indah, samua yang terpuji, samua yang sempurna, samua yang patut dipuji, pikirinlah samuanya iyan. ⁹ Ape yang udah iko palajari, tarimak, dingak, dant tihat dari aku, karojaanlah samuanya iyan, maka Allah sumber damai sejahtera manyarote'k iko. ¹⁰ aku sangat basukacita dalamp Tuhatn lobe, akhir'a iko konyuk parhatianko kapadaku.memang,sabolum iko ngonyuk perhatian kapadaku iko caada kasompat'n. ¹¹ Aku madahan hal inibukan aku sodakng kakurakan, sobab aku udah balajar mancukup'n diri dalamp kaadaan apepan. ¹² Aku pane roti kakurakan, dant akupan pane roti kalimpahan.Dalamp sagala dant satiap kaadan, aku udah balajar rahasia kacukupan, apekah konyang atau lapar, apekah banyak duit atau cada banyak duit. ¹³ Aku ulih malaku'n sagala sasuatu malal'i Ia yang konyuk kakuat'n ongan aku. ¹⁴ Namun, iko udah babuat baik hunak babagi bobant onganku. ¹⁵ Iko sikuk pane, jamaat Filipi,bahwa katika awal partama palayanan Injil,diwilayah Makedonia, caada jamaat yang hunak babagi bobant ongaku dalam hal ngonyi'i, kacuali iko. ¹⁶ Bahkan, waktu di kota Tesalonika, iko ngirimp bantuan akek keporlu'nku lobih dari sakali. ¹⁷ Ape bukan bantuan iyan yang aku gogak'a, malainkan gogah buah yang mambosarkan kauntuk'ko. ¹⁸ Aku udah narimak pmamayaran ponuh, bahkan lobih. Aku maumpui samua yang aku porlukan yang iko konyuk malal'i Epafroditus. Pangoyuk iyan jadi persomahan yang harum, yang bakonan, dant yang manyonagan Allah. ¹⁹ Allahku haga'n mamonuhi sagala keperlu'nko manurut kakayaan-Nya yang mulia dalamp Yesus Kristus. ²⁰ Kemuliaan akek Allah dant Bapa kita akek selama-lamanya. Amin. ²¹ Padahan salam kami ongan urakng kudus dalamp Yesus Kristus. ²² Salam akek iko dari saudara-saudara saiman yang ada ongan aku da dini. Samua urakng kudus ngiripm salam akek iko, khusus'a siak yang bakaroja malayati di istana Kaisar. ²³ Anugrah dari Tuhat Yesus Kristus menyertai rohko.Amin.