¹ Lobe, aku hunak iko pane batap boratnya peruangan yang udah aku buat untuk iko, dant akek siak yang ada di Laudekia, dant akek samua urakng bolomp kaa batumu muhak ongan aku. ² Tujuanku biar hati siak dihibur dant di persatu'n dalapm kasih sampe siak maumpui sagala kakayaan yang asal dari jaminan dant pangatahuan dari rahasia Allah, ia ian Kristus sikuk. ³ Dalapm Dia, tasimpatn harta dari hikmat dant pangathau'n. ⁴ Aku madahan hal ini supaya caada urakng nipuko ongan sagala perdobatan yang kadingak'nnya masuk akal. ⁵ Sobab, sakalipan bukang jasmaniku cada sama ongan iko dalapm roh, aku basukacita nihat kadisiplinanko yang baik dant toguh iman dalapm Kristus. ⁶ Jadi, karna iko udah narimak Yesus Kristus sabage Tuhatn, hiduplah torus dalapm Dia, ⁷ baakar dant bagunlah diriko dalapm Ia, toguhkanlah imanko sabage mone udah diajaran kaiko, dant malimpahlah ongan ucapan syukur. ⁸ Bahati-hatilah supaya caada urakng yang manjorat iko ongan filsafat yang puakng dant panyosat yang baasal dari tradisi mansia dant asas-asas roh dunia, yang bukatn prinsip-primsip Kristus. ⁹ Loba, dia dalapm Ia badiapm sauruh kaponuhan kailahian yang hidup dalapm bentuk jasmani. ¹⁰ Iko udah ponuh dalapm Ia, yang adalah kapala di pucuk samua pamarintuah dant penguasa. ¹¹ Dalapm Ia iko disunat, ape bukant sunat yang di buat ulih tangan mansia, tatapi sunat yang dilaku'n ulih Kristus, yaitu ongan notak bagian bukang yang badosa. ¹² Dalapm baptisan iko di pase sama ongan Kristus, dant di bangkit'n sama-sama ongan Ia malalui imanko ongan kuasa Allah yang mahidup'n Ia dari hontakan urakng mati. ¹³ Walaupan dolu'n iko mati lobe palangran-palangranko yang cada basunat, Allah jawekko hidup sama-sama ongan Ia sasudah Ia mangampunti samua palangran kita. ¹⁴ Ia mahilak'n surat hutak dant aturan-aturan tuntutanya yang manghalangi hubungan kita. Ia mamakukkannya di pucuk kayu salib. ¹⁵ Ia maucuti para pamarintah dant panguasa, lalu manjadiin siak tontonan yang mamalukan lobe kamonangan-Nya di pucuk kayu salib. ¹⁶ Maka dari ian, hinang biarin sikukpan mahakimi iko ongan masalah makatn dan diminum atau hari raya kaagamaan, parayaan bulat baru atau hari sabat. ¹⁷ Samua ian ongkah bayangan tontakng hal-hal yang haga'n datakng ape sabonar'a adalah Kristus. ¹⁸ Hinang ijit'n urakng sonang ongan karonahan hati yang palsu dant panyomahan ongan malaikat-malaikat mahakipi iko. Siak adalah urakng-urakng yang suka nihat ha-hal detail lau jawek pikran siak somunkng lobe gagasan-gagasan duniawi. ¹⁹ Urakng yang ubaiyan cada taat ongan kapala. Kapaa adalah panopang saluruh bukakng, dant saluruh bukang dipersatu'n ulih sendi-sendi dant otot-otot, samuanya batumuh ongan pertumuhanyng baasal dari Allah. ²⁰ Kalau ongan Kristuis iko udah mati tarhadao asas-asas dunia, ape saolah-olah ikon iak hidup di dunia, tunduk ongan aturan-aturan uba:'' ²¹ hinang camak, hinang diasa, hinang di sontuh''? ²² aturan-aturan ini haga'n hilakng lobe aturan-aturan ini di jawek ulih mansia. ²³ Aturan-aturan uba ini memang katihat'nnya biaksna dant manonjolkan ibadah yang bapusat dari diri dant karondahan hati yang palsu. Ape samua ini caada nilai'a salian akek mamuasan napsu kadangingan.