1 Pundakhekhi amalunde gakho givonekha manonu muvilato, ong'encha va untwa! Ifigendo vyakho wita mikufu, wita mbombo eya fundi. 2 Ekhetovu khahyo wita inchongoro gwa bakhuli; pusakhilemwa okorogo ogwa vugembe. Elitumbu lwaho wita ngano eyeyinwikhe nukhunchungusya enyinyoro. 3 Amavele gakho gavele wita vana vavele va ayala, vambasa va ayala. 4 Esingo yakho wita inara gwa lupembe; amikho gakho wita lukama lya Heshiboni mu ndwango ogwa Bathi Rabimu. Emula yakho wita inara ogwa Lebanoni ogogwilola khu Damesko. 5 Otwe gwakho wita Karmeli; injwele mutwe gwakho wita zambarau enitu. unkurudeva puaswigile na vifundo vwa njwele inchamwene. 6 Pundakhekhi volenonu onogile, ovegane mi vononu wakho. 7 Ovotale wakho vokhwamine ndo bekhi ogwa miwesye,, pu amavele gakho wita vifungu vya sekhe. 8 Punekhasaga, "Ninogwa akhutoga obekhi ogwa mawese; yanikhwibata amaswatu gayene." Amavele agakho pugave nde vifungu fya vondoni, nu runusyo olwa mula yakho luve ndo pera. 9 Ondomo gwakho guve nduvogembe ovononu, vovukhwikha moramora khung'encha vango, volutwelela mumiromo gweto na mino. Odala odebe voichova mwene. 10 One nelevagane vango, pu ikhonogwa. 11 Winche, vegane vango, tuvokhe khunchikhu mji; putukhagonile pakero khukhejiji. 12 Tusisimukhe imbeve tuvokhe khukhyalo khya vondoni; tulole ovondoni nda vomelile, inave vochipwile, inave emikomamanga gekhuminche amavova. Puni khukhupa ovononu vwango. 13 Emitunguja gikhomya orunusyo lwayene; pa lwinchi olututama palene aina eya sekhe, emya ne ngoro, eye ne khakhuvekhile, veng'encha vango.