1 O, olenonu ove, vegane vango; ove ole nonu. Amiho gaho vuta hepuge husana ehetambala wita miho. Injwele nchaho wita lulundamano lwa mene voliluta pasi ohuhuma ehe Wamba hya Gileadi. 2 Amino gaho wita ng'osi avavaketiwe, vangahume, esehemu eyahusuhiwa. Hela munuale nu pacha, asimoli yumo igati mu mwene oya fyeleliwe. 3 Ondomo gwakho wita wosi ovodukhu; ondomo gwano gunogeranile. Ovojuga waho wita maswatu na komamanga husana huhetambala khya ham'iho. 4 Esingo yaaho wita inara gwa Daudi vogujengiwe khu sitali ogwa mawe, ni ngao elfu moja vuyisihitekha pakyana payene, ingao nchoni incha valoleli. 5 Mavele gaho gavele wita mbavala vavele vambasa va ayala, vovilya munyinyoro. 6 Impaha lahemihe hefihe umwejeji vihege, yuniluta muhewamba ekya manemane ni viwamba vwa buvani. 7 Ove ole nonu huhela namna, veng'encha vango hamuna elawama igati mulyuve. 8 Winche nayune ohuhuma khu Lebanoni, ove bibi arusi vango. Winche nayune ohuhuma khu Lebanoni; winche okhukhuma khukyanya khuhyakhulya, ohuhumha hukyanya hu Seneri nu Herimoni, okhuhuma mundihuli elya ngalamo, okhuhuma ndigali elya viwamba vwa chui. 9 Okhenchile enumbula yango, ovedada vango, ove bibi arusi vango; okhenchile enumbula yango, khu mwedekho gomo khulyune, khundegekhe gumo musingo yakho. 10 Pu ndahehi ovogane wakho vovononu, vedada vango, vebibi arusi vango! Pakhuva khekhi ulugano lwakho vole vononu khulikho omvimyo, nulunusyo olwa marashi agakho khulikhoh imono nchonchoni. 11 Emilomo gwakho, vebibi arusi vango, gidude kha owukhi; owukhi nu hukama vilipasi pa lulimi lyakho; olunusyo olya mienda gwakho wita marashi ga Lebanoni. 12 Ve dada vango, ve bibi harusi vango pubustani eyeyedendiwe, bustani eyeyefungiwe, khegasi ekhekhedendiwe nu ng'uri. 13 Amajani gakho khesitu khya mibekhi egwa kamamanga egele nisekhe tofauti, na ya mimea ya hina na nardo, 14 Nardo na Zafarani, mchai nu mdalasini paninie ne aina incha ovumba, manemane na udi pune aina incho mono. 15 Ove debustani ya chemichemi, khekhulu khwa magasi manonu, emifereji egegikhwikha okhukhuma khu Lebanoni. Odala odebe voinchova mwene 16 Sisimukha, ovopepo ovwa khukaskazini; winche, emepo eya khu kusini; genda mu bustani yango pahuva imono inchamwene nchihumya amarashi. Ong'encha vango imwicha pagati pa bustani yamwene nukhyula lusekhe incha lichaguo lwakho.