¹ Wanawitu, wine nawalumwa, wine mulinisekelo na ninye. Imilili ivinonu kwa Tayi, umwemwe maunda wane. ² Nakufunda uwewe Eudia. Nangulo nakufunda uwewe usintike musuzwe amvwano iteko dyinu, nangumwemwe, wosi wawili mwaungine nu Tayi. ³ Mmwene nawafunda umwemwe mwalonga milimo mwamitu, muwavwe ewa achichima vine walogwikwe, papamwi nannye kusambanya iinjili ya Tayi alinge tuli nu Kelementi papamwi na hemba awanji awakatayi, wine amatawa yao yandikwe kuchitabu icha upuma. ⁴ Utayi isiku zyosi ngatela, sekeleli. ⁵ Utalalivu winu umanikwe kwa wandu wosi. Utayi alipapipi. ⁶ Mutigazye kumbola yeyosi, longi imbola yinu yosi kuzila iyasalila, kulenga nakusalifya yine yavwambiwa kulumwemwe yamanikwe kwa u Mulungu. ⁷ Izumilo dya Tayi line ikali kupita umani wosi, isisunga imoyo na melenganyo yine nakukwaviwa kwa u Kilisitu u Yesu. ⁸ Nangu ulo wanawitu; yelenganyi imbola zyosi izya unonu, ishima, ihaki, uswachi, utogwa na yalayine yalinitaalifa inonu yine yali numani papamwi na yala yine yavwambiwa kusalifya. ⁹ Yatimilizi imbola yine mwilanganizya yine mwayapoki lile mwaivwile na yala inemwayawine kukwane na pinye Utayi witu akuwa naswi. ¹⁰ Ndili ni sekelo ikulu zipae kulumwemwe kwa Tayi kukuwa umwemwe mwalondezya kalinji kukwiusisha kuminu palulu na mahitaji yane. Izyamwene udwandilo mwalumwile kumbangamala kumaitaji yane alinge mutapata inafasi iyasaidia. ¹¹ Ndatela ulo kukuti gwipatila ichindu changati amahitaji yane. Na ngulo nilanganizya kuzumila ihali zyosi. ¹² Manile kukwikala ku hali iya pungiweni hali iyakuwa ni vindu iuinji.Nangulo kumazingira yosi eya unene nifundisha upiso uwakuja uwakati uwamwikuto nuukudya uwaakati wa zala, na vino ulo ivinji nukuwa uvwambaji. ¹³ Mbezizye kulonga yeya na kulanganizwa nuumwene wine waanita amaka. ¹⁴ Poshe ulo mwalongile ivinonu kukuwa nunene kumagayo yane. ¹⁵ Umwemwe mwa Filipi mumanile kukuti kuwandilo wiinjili pine naukile kumakedonia , kutakola itekelo dyene dyansungile kumbola ineyavwambiwa kufunya na kupokela nangu ulo umwemwe mujumu. ¹⁶ Nanga pine ingendili kutheslonika, umwemwe mwandumililie kumwavwa kupita lulumwi kuuvwambilo wane. ¹⁷ Si kukuti navwamba munavwe ila natela ngani mumane amakomi ine yaleta isayo kuminu. ¹⁸ Napokela windu uyosi, ni saizi nalagizwa ivindu ivinji. Natangana ivindu ivinonu kufuma kwa Epafradito, ivindu ivinonu vyene vinunglila changati amafuta, vyene vizumiliwa vine vyosi indupo yene yakunonezya u Mulungu. ¹⁹ Nanga vivyo u Mulungu wane awizuzyizya chine muvwamba kuundumbwe uwa utimu uwa kukwakwe u Yesu u Kilisitu. ²⁰ Epa kwa Mulungu nu Tayi witu uwe utimu isiku zyosi . Amina ²¹ Lindamu wane zifikile chilandu wine wasalila kwa Yesu u Kilisitu.Wanawitu wine ndili na mwinyeepa namlamka. ²² Namwinye osi mwandu musalila epa nawalamkizya, limwemwe wene mufumile kuchipuga icha kaili. ²³ Nepa ichitimbano chatayi witu u Yesu u Kilisitu iwe ni loho zinu.