¹ U Paulo na Timoteo ahemba wa Kilisitu u Yesu kwa yene watengiwe nu Kilisitu yene wakwikala kufilipi papamwi na awangalizina shemasi. ² Chitimbano chiwe kuminu ni teko linalifuma kwa Mulungu Utai witu na Nkali witu u Yesu u kilisitu. ³ Nakusalifya u Mulungu wane pine nginawizuka umwemwe mwesi. ⁴ Isiku zyesi pine natimbana kulumwemwesi, nguwizyaya nasekela pine nawalengela. ⁵ Namsalifya sana kwigumbalo linu kuinjili kufuma undwandilo mpaka ilelo. ⁶ manite kukuti yene wanzisha imilimo iminonu inkasi inu azumidwa kuimalizya mpaka ulisiku udwa kali u Yesu u Kilisitu. ⁷ Ivinonu kukwane kukwizwa kutekelezya angaulo yuu inu umwemwe wesi kukuti nawawika imoyo wane maana umwemwe mwawa mwapapamwi nunene katika ichitimbano icha mbopwe katika kukumbonela ingumbu nuthibitisho wawe uwa injili. ⁸ U Mulungu ushuhuda wane, vine imba kumbukile kuyosi katika inkasi ya lutogo dwa Kilisitu u Yesu. ⁹ Namlenga kukuti, ulutogo dwinu lunyame ichisini ni ichisini katika umani wesi. ¹⁰ Natimbana kulili, kukuti muwe nuwezo uwapima na kuchagula imbola yene inonu sana. Angaulo na mlengela ili muwe mwawelu, bila kukuwa nimbi yosi kulusiku dwa Kilisitu. ¹¹ Angaulo mwizuzye ni komiidya mwene, linelionekaya kwa Yesu u Kilisitu, kutimu na kotogodwa kwa u Mulungu ¹² Isaizi wanawitu, navwamba mmane kukuti, imbola yene yafumila kukwane, yalonga kukuti injili ikolele sana. ¹³ Angaulo ufungwa wane kwa Kilisitu vimanikwe kwalinzi awakundanda yesi na kwa chilandu. ¹⁴ Anawitu awinji kwankali, kwasababu ya ufungwa wane wasongiwa na kuyozya kuwila inogwa bila uowa. ¹⁵ Zya mwene awamwi wakundambila imbila u Kilisitu, kufitina nio na wanji kunia inonu. ¹⁶ Wala yene wawila u Kilisitu kulutogo wamamite kukuti mbikiwe epa changa na mwimiliziwa injili. ¹⁷ Changati awanji wakundambilo imbila u Kilisitu kubinafsi nuuwi wao, awene wakuti pamwi wakwisongelezya amagayo kukwane katika iminyololo yane. ¹⁸ Angaulo? Ndapangamala, izila iwe imbi ama izya mwene, u Kilisitu walambiwa imbila, na kulili na sekela, zya mwene kusekela. ¹⁹ Vine mamite kukuti ili lileta kusatudwa kwane. Imbola ii yakwifumilizya kwa sababuya chitimbano chinuna uwa moyo wa yesu u Kilisitu. ²⁰ Papamwi na kukwelenganya kwane ukwa mwene kwamba ndakaona ukwa mwene kwamba ndakaona iyazi. Papamwi kumaka yosi, cha vine isiku zyesini saizi, na kwana kukuwa nu Kilisitu aliinuliwe katika umbidyane katika upuma au katika ufwile. ²¹ Kumana kukwame unene , uwikalo u Kilisitu na kukufwa ifaida. ²² Lakini nguwikalo wa mbili ululelo ikomi, katika imilimo yane. Angaulo ndamana lilikweni idya kusolangila. ²³ Maana nasukumwa sana na malenganyo eya yawili na kumbukila kuuleka umbili kukuwa papamwi nuu Kilisitu, ichindu chine cha sao sanasana. ²⁴ Ingawa kushara katika umbili uu imbola inanu sana kuminu. ²⁵ Vine manile ivinonu kulili manite kushala na kukongwa papamwi numwemwe mwesi, kwa ajili ya maendeleo nunonu witeko dyinu. ²⁶ Ii, ileta fulaha inu ingulu kwa Kilisitu u Yesu. kwasababu yakulunene, inyama kwasababu, nguwa papamwi tena numwemwe. ²⁷ Mvwambiwa kukwikala uwikalo wiinu kumanonu inji ya Kilisitu ,longai vivyo ili ngimza kuwalola au ngindiza ni vwae kukuti mwimilile ivinonu katika umoyo adyumwi, nakumbukila kukwizwa kukuti mrinumoyo adyumwi, mshindamila ileko dya injilo kupapamwi. ²⁸ Mtatishwe nichindu chochosi chine chilongiwa na dwami witu . Ii kumyaoiisha mawi, bali umwemwe iishata ya uwokovu kufuma kwa Mulungu. ²⁹ Kwa maana umwemwe wampile kwa aji ya Kilisitu.Asi kulunenetu bali na amagayo aya kulumwene. ³⁰ Kwa maana mlimundandu wila changati yene mwau wine kukwane na mkwivwa kukuti ndili nao angi saizi.