¹ Vino navwamba mumane vine nawa na magayo aminji kulumwemwe wosi, wene wali ku laodikia na kuwosi wene wataona amiso yane kuu mbiilii. ² Nalonga imilimo ngani imyoyo inu iwe pee na kuletwa papamwi kulutogo ku-dumbwe wosi wa winji na wene wafwaile nuu umani na kuimana iya mwene iya ka Mulungu, yene u Kilisitu. ³ Kulumwene ichipa chosi icha njele nuu umani zipisiwe. ⁴ Nalela wuli ngani undu yoyosi alize amlongele amawi kwi pangwe idya pozyiwa. ⁵ Nanga vine ndali papamwi nu mwemwe ku mbili, Nanga ulo ndili papamwi namwi kumoyo. Nasekela kuona vino mulonga amanonu ku maka aizumilo dyinu kwa u Kilisito ⁶ Changati vine mwantngana u Kilisitu utayi, mwendaye kulumwene. ⁷ Ampe amaka kulumwene, muzyengwe kulumwene, ampe amaka kwi izumilo changati vino awalanganizye, na kunyepwa kwa kusalifya kuwinji. ⁸ Loli kukuti undu yoyosi atawaleme kunongwa indupu izya ulongofi changali vino awandu watangana, changati vino mwipozizye pawelelo, na kasi uKilisitu. ⁹ Vine kulumwene utimu wosi wa Mulungu ukwikala ku mbili. ¹⁰ Na mwinye mwizuzwa kukwakwe. Umwene yuna untwe yene awezizye na alinamaka. ¹¹ Kulumwene wamuwengile akanjimba ku tohala yene tanga ilongiwe na wandu kuushiwa umbili wa nyama, nanga ulo kutohala ya uKilisitu. ¹² Mwazyikiwe papamwi nakwe ku ubatizyo. Na kuzila iya zumilo kulumwene mwazyukile kumaka aya Mulungu. Yuna wambikile azyuke kufuma kufwile. ¹³ Na pine alinge mwafwa ku mawiyinu na vino alinge mutawenga kumimbili yinu, wawawikile muwe mwa puma papamwi na kutuonela ingumbu amawi yitu yosi. ¹⁴ Wazimizye yesi yene yandikwe, zyosi zina alinge zilikunuma nu sweswe. ¹⁵ waiusizye yosi na kuikongomela pa msalaba. Wausizya amaka nu kali. wayawikile pawelu na kuyawika kukuwa iseko izya pota kuzila ya msalaba wakwe. ¹⁶ Undu yesi atawalapilizye Umwemwe kukudya na kumwela, nanga kulusiku udwa sikukulu nanga ku mwezi Umpya nanga kulu siku udwa salila. ¹⁷ Hii yene imimpepo iya yosi yene yizile, nanga ulo ichikambe uKilisitu. ¹⁸ Undu yene alinayo yosi atapokwe indupo yakwe kwa kulumwa kutimika na kusalilila amalaika. Undu uwa ulo akwinjilaya kuyala yene ayawine na kulongopiwa na melenganyo yakwe aya mumbili. ¹⁹ Umwene ataulemelela untwe. kufuma kuntwe kukuti umbili wosi kukwinjilila kuvyosi ivya mbili na mafupa ulimbwaya na kulemandizya ku papamwi, na kukula vino zikulaya wene ufunyizwaya nu Mulungu. ²⁰ Ngi mwafwile papamwi nu Kilisitu Ku sembo izya pa welelo. kuchiyi uwikalo winu changati mulonga pa welelo. ²¹ Mtaleme, nanga kuyozya, nanga kupalakasha?. ²² Eya yosi yapangiwe kuluwazi wene wizile na matumezi, kumalagilizyo na kumanginizyo kuwandu. ²³ Amasunde eya yali nu mani wa dini zine zyalinganizwa ku kwane na kwishima na magayo ya mbili. Nanga ulo zitakola unonu kupita isula ya mbili.