¹ U Paulo, u Silwano nu Timotheo, kkanisa dya wathesalnike kwa Tai wetu nu Yesu Kilisitu. ² Ululogo luwe numwemwe nuleka m kufuma kwaTai witu na kwa Bwana u Yesu Kilisitu. ³ Yavwambiwa usweswe tusalifye u Mulungu isiku zyosi kwa ajili ya mwemwe wana witu. vine tuvambiwa vina ululogo dwina ulukula ichisini, nu lulogo dwinu chilandu onjelele kuwinji. ⁴ Vina usweswe tupanga ku mabado kwitekelo dya Mulungu. Tutela imbola vinu ni izumilo dina nadwa kaka amagayo. yosi tupanga kwabal iya nagayo yenemuyamaninginya. ⁵ Iyi chavine ichimani achaki ya umuya ya haki ya Mulungu. Amatokeyo eye yakuti umwe muwazyiwe angati muwezye kukwingila umwene wa Mulungu angati vino mupataagayo. ⁶ Vina usoko kwa Mulungu kuwapa amagayo wawagazyizye umwemwe. ⁷ Nakuwaletela unona umwemwe muwazyiwe chapali. Na kulonga uli kukwiyuka kumwene u Yesu kufuma kululu chali na amalaika wanawawezizye. ⁸ Kumbili upile awalipizya ilipizyo wina watamana u Mulungu na wina watawana wanawasi. ⁹ Wagazyiwa kumagayo isiku zyosi ingi watengiwe na mweya wa Tai nisokofu ama ya mwene. ¹⁰ Alonga pene alize kutogolwa nawandu wakwe zikashamaza wosi wana wakubalie chavino ushaidi winu kusalifya kumwemwe. ¹¹ Chavune tuwalengela umwemwe isiku zyosi. Twawalenga kukuti Mulungu witu awawazye ungali uavambiwa kukwitiwa. ¹² Tukulenga kukuti apate atimizye angati changa vina upole kukazi izumilo dyamaka. Tukulenga imbola izi mupate kwinone zya ilawa dya Tai. Tulenga kuti tupate kutukuzya nape ku sababu yalutoga udwa Tai u Yesu kilisitu.