1 Kufuma kwa chikulu kuwala kwa chichima upeule na awana wakwe wene mmbatogwile kichisini kasi nene osiwala wine wamanile izwa mwene, 2 Vino izya mwene zine zilinkasi yitu nayene ikwala papamwi naswi isiku zyosi. 3 Ulutogo , nutekam, luwe naswi kufuma kwatai nu Yesu kilisitu u Mwana wa Tai, kulutogo 4 Natogwa ichisini awana wawala, chungati vine twapokelile amasunde kufuma kwa Mulungu. 5 Epa nakufunda uwewe wachichi ma kati kukuti na kukwandikila amasunde amapya, ila inetulinayo kufuma ulwandilizyo muvwami kukwitogwa useswe kwasweswe nuhu wine utongwe, wine uvwambiwa, kulingana na amasundi yakwe. 6 Eya ine amasundi, changati vine waivile kufuma kumanzo, kuti yavambiwa kukuwa chungati ulo. 7 Chavine alongopi awinji wasambana pawelelo watatonda kuti u Yesu ukilisitu. 8 Mwilole mwakala mutatyezye imbola zyene twazilongela imilimo ngani mpokele indupo ine ilinganile. 9 Yeyosi ine wakolela kumbele amalanganizyo ya kilisitu, atakola u Mulungu. Une waki wakilala namalinganizyo ya Tai nu Mwana papamwi. 10 Nangi undu wizakuminu ataleta ilinginizyo ili, mtanzumile kukaa zinu na mutandamke. 11 Nangi undamke ukuwa wisanganya kumbizyake. 12 Ndili nimbola ininji izya kukukwandkila ikendavamba kukwandika kikaratasi na uwino.Epanavamba kukiza kuminu kupanga chum num, kukuti ulutogo dwitu lulonge vinonu. 13 Awana wilumbu dwako utemeke wawalamika.