isula ja 1

1 Inyivonelo sa Obadia. uMutwa uNguuve isa Edomu iiti, " Tupuliike imhol kuhuma kwa Mutwa, unyamhola umwiue kuvapanji, ijova iiti, nyanymukaghi! Tunyanyamuke vwimila uvulugu nu mwene". 2 Lolagha, nilikuvaviika muuva vadebe nkate mu apanji, mulibedua kyongo. 3 Amatupa gha mwojo ghwako ghakusyangile juuve, uve ghwejuno ghukukaa mumbiip sa manalavue, munyumba jaako ija kukyanya; juno mu numbula ijova iii, "ghweveni juno kyande ikunyisia pasi une? 4 UYihova ijova iiti, " nambe ghwkwima kukyanya ndavue ingasimula kange nambe ikivwaso kyako kivikua pakate pa nhondue, nilikukwisia paasi kuhma ukuo." 5 Avalyasi vaale vise kulyuve, avahiiji vabudi vaale viise kuyuve pakilo[ vule vaale vikukutemania] Navaale vihiija ifinhu fino ifya kuvakwilana? avakongania sabibu vaale vakwisile navaale vikufieka fino upetile? 6 Vule uEsau atovilue fyope ifihenge fyake fino fikafisilue pavuvaafu! 7 Avaanhu vooni vano mupuing'ana vilikukutwala kudugha ku maka. Avaanhu vano valyaale nuutengaano nuuve vakusyangile, kange vakutolile. Vano vilia unkate ghwako vateghile ulutegho paasi palyuv. Mu isio nakwekule kukulutang'ania. 8 Umutwa ijva iiti, " vui! Naniwesia ikighono ikio kukuvanangania lwoni avaanhu avanya vukagusi kuhuma ku Edomu voope avanya luhala kuhuma kukidunda kya Esau? 9 Uve Temani, avalua vulugu vaako avanyangufu vilisukunala, kuuti umunhu ghweni kuhuma ku kidunda kya Esau vantemanie na kubudua. 10 Uwakuva uvuvili vuno vulyavombiike kwa nyalukolo ghwako uYakovo, vulifwika ni soni, uve vilikukutemana lwoni. 11 Ikighono kila ukaale ghwimile, ikighono kino avaghesi valyatolile ikyuma kyake, voope avaghesi pa malyango ghaake, na kutova ikuula kwa Yelusalemu. Uve ukahwene ui lumo na veene. 12 Looli nungahovokaghe ikighono kya nyalukolo ghwako, ikighono kino alinifua, nambe nungahovokaghe kuvaanhu va Yuda ikighono kya lutalamu kuveene; mulava pikupaala ikighono kino aveene viiva vakunilue. 13 Nungingilaghe pamulyango ghwa vaanhu vango pano valinifua; nungahovokaghe vwimila vwa mhumhuko saave ikighono kyafua jaave, namungatolaghe ikyuma kyave mukighono ikya mhumhuko saave. 14 Naungimaghe musilamalekano, kuuti uvatemanie avaanhu vaake vano vikimbila mukighono ikya mhumhuko nungavahumiaghe avaanhu vaake vano valimulutalamu. 15 Ulwakuva ikighono ikya Mutwa kili pii ku iisi sooni. Ndavule ulyavombile, fye sivovombeka kulyuve; amavombele ghaako ghikukugomokela juuve. 16 Ndavule mulyanywile pakidunda kyango ikyimike, fye lulivuo iisi sooni.vilinyua na kugulika kange luliiva hwene napevakaale lwoni. 17 Looli pa kidunda kya Syoni kwe viliiva vano vavangulike kange viliiva vimike, joope inyumba ja Yakovo vilihaala uvuhaasi vwake. 18 Inyumba ja Yakovo ghuliva mwoto, najinyumba ja Yosefu luuva lulape lwa mwoto, Joope inyumba ja Esau jiliiva masaghate ghano ghumile, avuo vilikuvapembelea vapie lwoni. Nakweiliva juno ilikuluka munyumba ja Esau, ulwakuva uMutwa ajovile. 19 Avanhu vooni kuhuma ku Negebu vilihaa ikidunda kya Esau, voope ava shepela vilihaala iisi ja Vafilisiti. Avuo vilihaala iisi ja Efulaimu ni iisi ja Samalia; ghwope uBenjamini ilihaala iGiliadi. 20 Avahamilaji avalipugha lya vaSilaeli vihaala iisi ja Kanani kudugha ku Salepta. Avahamilaji v Yelusalemu, vano vali ku Sefaladi, vihaala amakaaja gha Negebu. 21 Avapoki viluta kukidunda kya Syoni kutema iisi ja fidunda fya Esau, kange uvutwa vuliiva vya Mutwa.