sula ja 4

1 Neke ili likankalasia uYona ghwope akakalala. 2 Pe uYona akansuma uMutwa akati, "Ghwe Mutwa isi nasesino nilyajovile unsiki ghuno nilyagomwike mu iisi jango? fyenambe nikavombile ng'aning'ani na kughela kukimbila ku Tashishi - ulwakuva nilyagagwile kuuti uve veve Nguluve unya vumosi, ghwenyalusungu, nulimwinga ghwa ng'alasi, mwinga ghwavukyang'ani, ghubuhila kubuda. 3 pe lino Mutwa nikukusuma, umbusie uvwumi vwango, ulwakuva yekiba kulyune kufua kuliko kuva mwumi." 4 UMutwa akajova akati, pe, lweunoo kuuti ukalile?" 5 Pe uYona akavuka mumpulo ikala ulubale lwa kuvudibulilo vwa mpulo. Ukuo kwealyavikile uvukalo akikala paasi palusulue ulwakuti alutang'anie kukola ilikaaja live ndani. 6 UMutwa Nguluve alyatang'anisie umhela napikughukusikisia kyanya ja Yona neke kuuti ghuve lunsulue lwa mutu ghwake neke ghukepusie imhumhuko sake. UYona alyale nulukelo lukome ulwakuva umhela ghumelile. 7 Neke kwati kukile uNguluve alyaling'anisie iking'onyo ikalia umhel ghula ghukuma. 8 Unsiki ghuno iijuva yelidibula palwakilavo, uNguluve alyaling'anisie imhepo nyinga kuvudibulilo. ange nalulujuva lukakasa umutu ghwa Yona pe akaghua. pe lino uYona akanoghua pifua. akajivula, "ye kiba kulyune kufua kuliko kuvamwumi". 9 Pe uNguluve akambula uYona akati, "pe yekiba uve kuva ning'alasi kumhela". uYona akati lwelunono kuva nikalile nambe kufua. 10 UMutwa akati, ughusaghile umhela ghuno naghukuvombile nambe imbombo nambe naghukakulile. Ghuno ghumeile pakilo nakukuma jikilo. 11 Pe lino une najikaninoghile kukujisaghila ininawi, mpulo unkulu, ghun ghuli na vaanhu kukila imbilima ikiludo nifijigho fivili vano navakagwile uluvoko lwave lwakundiyo nuluvoko lwave ulwakung'ighi, na kange ing'ombe nyinga?