1 Pe ilisio lya Mutwa likamwisila uYona umwana ghwa Amitai, kuuti, 2 "imagha ulutaghe kuninawi, ilikaja ilivwaha pe ukwmwlaghe nilisio ilivaha vwimila ilyene, ulwakuva uvuhosi vwavanave vwimile kuvulongolo kulyune." 3 Looli uYona akavuuka ikimbila pamaaso gha Mutwa nakuluta kuTalishishi. Akikagha na kufika kuyava pe akajivoona imelikebu jinojiluta kutalishishi. Apuo pe akahomba inavuli nakukwingila mu melikebu kuluta najoku talishishi, kubeda uvuvaha vwa Yahwe. 4 Looli uMutwa akomola imhepo imbaha mulisumbi mula lukava lunjughanjugha. Nakalingi kulavoneka kuuti imeli jilonda kudenyeng'ana. 5 Pe avaghendesia mulisumbi vakoghopa kyongo umuunghu ghweni akalilagha kwa Nguluve ghwa mwene. Vwakatagha amasigho mulisumbi ghano ghalyale mumelikebu. UYona alingile na kukwingila kukate kumelikebu, umwene alyaghonelile itulu. 6 Pe umughendesia melikebu akamulutila akam'bula, "kiki uve ghughona? sisimuka! unsume uNguluve ghwako! pamo uNguluve ghwako kwande ikutukagula tuleke pisovanika". 7 vooni vakavulana, isagha tutove ikua, ulwakuti tukagule kuuti ghweveni juno atupelile imbivi isi sino sikutuvwona. Pe vakatova ikula, ikula jikamughwila uYona. 8 Pe vakam'bula uYona, " sivuo utuvule ghweveni juno atupelile imbivi isi sino sikutuvona. Ghuvomba mbombonyiki, kange uhumile kughi? iisi jako jejiliku kange ghuhuma mukabila ja vaanhu valiku"? 9 UYona akavamula akai, une nilimuheblania; najune nukumwoghopa uMutwa, uNguluve ghwa kukyanya juno ajivombile inyanja ni iisi. 10 Pe avaanhu vala vakoghopa kyongo, vakam'bula uYona, je mbombonyiki iji jino uvombile? ulwakuva avaanhu vala valyakagwile kuuti alyale ikimbila pa maaso gha Mutwa, ulwakuva alyavavulile. 11 Pevakam'bula uYona, tukuvombele kiki ulwakuti inyanja jinyamale? ulwakuva inyanja jilyae nulunjughanjugha kyongo na kyongo. 12 UYona akavavula, " mung'ole munaghe mu nyanja, pe inyanja kwande jinyamala vwimila umue, ulwakuva nikagulile kuuti vwimila une ulunjughanjugha uluvaha luvavwene. " 13 Palikimo nuluo avaanhu vakakwesa amakasia ningufu ulwakuti vagomoke ku iisi, looli vakakunua kuvomba vule vule ulwakuva inyanja jilyanangike kyongo. 14 Pe vakansuma uMutwa vakai, tukukusuma Mutwa tukukusuma, uleke tuleke kutipulua vwimila vwa muunhu uju; nambe nungatuvikilaghe unkole vwimila vwa kufua kwa mwene, ulwakuva uve , Mutwa uvombile ndavule ghughanile. 15 Pe vakantola uYona vakantosia munyanja, jope inyanja jikanyamala. 16 Pe avaanhu vala vakamwoghopa kyongo uMutwa. vakamwumikisi ilitekelo na kuvika ulufingano. 17 uMutwa alyaling'anisie iswi imbaha jin'gulubike uYona, uYona alyale nkate ja Lileme lya swi ifighono fitatu nikilo ja vutatu.