sula ja 1

1 Mumwaka ghwa vuvili ghwa ntua UDalio, mumwesi ghw ntanda ikighono kya kwaanda kya mwesi, ilisio lwa Mutwa likamwisila kuluvoko ulwa mbili uhagai kuluta kwa n'goyo ughwa Yuda, UZelubabeli mwana ghwa Salatieli nu kuhani unkulu uJoshua umwana ghwa Yehozadaki, kuuti, " 2 UMutwa ghwa valua lilugu iiti: ' avaanhu ava vaviiti, nansiki ghwitu kukwisa na kujenga inyumba ja Yihova.""" 3 Kange ilisio lya Mutwa likamwisila kuluvoko lwa mbili uHagai kuuti, " 4 pe ghwensiki ghwinu jumue kukukala munyumba sinosisilile, nu nsiki ughu inyumba iji jinangika? 5 Pe lino uMutwa ghwa valuailugu iiti ndiki: 'musighanule isila siinu! 6 muvyalile imbeju nyinga, neke mwaleta umpheto n'debe; mulia neke namukwilana, munyua neke namukamemesivue ifyakunyua. Mufwala amenda neke namukulwagha ulufuke, nu muunhu ghwa luhombo itavula indalama na kuvika mumafuko ghanoghademwike ghene!' 7 UMutwa ghwavalua lilugu ijova agha: " 8 musighanule isila sinu! mutoghe mufidunda mukave imbavo, napijenga inyumba jango; kange pe nikuvahuvisia na nilighinua!' ijova uMutwa. ' 9 Muhuviila kukava ifiinga neke loola gwaleta fidebe munyumba, nikufitagha kutali kwa kiki? - ndiki fyefino ijova uMutwa ghwa valualilugu! ulwakuva inyumba jango jikukala muvunangifu, Looli umuunhu ghweni iguda pikukala munyumba jake. 10 Kuulu uvulanga vukolelivue vuleke kuhuma ulumi kuhuma kulyuve, nilihanga likolelile imheto sako. 11 Nikukemelile kuhuma kuiisi nakukyanya kufidunda, na mufino fimela na mumasabibu amapya, mumafuta na mumheto sa mulihanga namuvaanhu namufidimua, namumbombo sooni isa mavoko ghako. 12 Pe bhaho umwana ghwa Salatieli, nu ntekesi unkulu uYoshua umwana ghwa Yehosadaki, palikimo na masighalua gha vaanhu, unsiki ghwa savuti ja Nguluve Mutwa ghavo na masio gha Hagai um'bili, ulwakuva uNguluve Mutwa ghavo alyansung'ile. Navaanhu vakoghopa pamaaso gha Mutwa. 13 Pepano uHagai, unyamola ghwa Mutwa akajova imhola ja Mutwa kuvaanhu nakuuti," nilipalikimo nuve! - ulu lwe lujovo lwa Mutwa. 14 Umutwa akahovesia inumbula ja nkulu ghwa kighavo kya Yudah, Zerubaeli umwana ghwa Sakieli, ni numbula ja ntekesi unkulu uYoshua mwana ghwa Yehozadaki, ni numbula ja vaanhu wanovasighalile, kulutila kuuti vakaluta kuvomba imbombo munyumba ja Nguluve Mutwa ghwa valualilugu uNguluve ghwavo. 15 mufighono fya fijigho fivili nu mwesi ghwa ntanda, mumwaka ghwa vuvili vwa vutavulua vya Ntwa Dalio.