Imputi intisanu 2

1 Alafu we wa vyanga yanoyakulingana na nkunena, ukuzumikizya. 2 Mchukulu wawa ni njele nukuichindika nijele nukuzumila nkani, muno,wakundana nu kuvumiliyana. 3 Vivyonye awanachi awachukulu wakulo ndola chilo wada wailangizya awakola onga vino waichindika walize wawe nulwambo watize wawe awakamwa wipala. 4 Wakulonda kuwasambilizya yano ya zip nu kuwawikichele, awakazyana ukuwapa njele kuwakasama awalume, wao na wana wao. 5 Wakulonda kuwasambilizya wawe ni njele wawe wasanza wano wakatunzya ichele ing'ando zyao wawe wachidike walume wao wkola kuwapatiki zya litize nyetukamwa. 6 Avino viyo nye viyo waponiwezo awalumendo wachonsi wawe ni njele. 7 Pano pali nzila zonsi yiwikani mwewakala, mwaikolanya pano pali umlimo umzipe pano mkusambilizyo mwalanjizya ukuchindamo nu kuichindika. 8 Ivyangaji ilingu dinolinamaka lino lilalinidowa wensi wano wakana walelo soni muno atali nichakuvunga kwesweswe. 9 Wakachulo wa chindike wakombe wao pano pali vyonsi, wakulonda ukuwasekela, kulali kupazyana nao. 10 Watakulondola kukwiwa nomba wakulonda kuzimila kwao ukuzipe muno kwalinji nzila zitu zyonsi wavimbile mafundisho yitu kumanya Amungu ekavumwitu. 11 Amuno inkumbu zyeke Amungu ziloleka kuwatu onsi. 12 Tukusambilila ukukana na ivitu vino si vyeke Amungu. Nukumbukila ivyamungu. tukulonda ukwilinda kujele ni zilo izipe. 13 Nomba tukulonda ukupokela kuseya mila kwitu mkulu nu kavuwitu Ayesu Kilisitu. 14 Ayesu waifumizyemkola kwe sweswe ukutwovuwa ukufumo mdhambi kutuwika kutiswe wamukola uwakwe wano wawosola wamo, wali nia yakuomba mlimo muzipe. 15 Yavunge nu kuyasimbikizya msundo yaa kukalipila kumaka yonsi utize wazumila mtu wensi akuzalau.