1 Vino mkulola wanawitu nony'ani ku Mukombe. Ntakulola machulo ukuwandikila kaili amazwi yala nye yala nye yala. Ivitu vikawapa upuma. 2 Mwikale chete ni imbwa. Mwikale chete na waomwi wa milimo wawipe. Ikalaini chete na wano waikana ni miwili yao. 3 Lakini sweswe wa kudyembwa. Asweswe awamo tukumsalika Amungu kumzimu umutishwe. Kunkumbu ya mzimu umtiswe. tukalingila Kirisitu Ayesu. Naonye wano tutasinga ichimwili. 4 Na vivyonye, angu walinji nu muntu wa kukutegemea wewe idhimwili woo anene ngali nawezi zye ukuomba vivyo nkaninye. 5 Nemwi wandyemwile uwanda wa nane, nalezidwe mu kabila dya waizilaile. Awakabila dyeke Benyamini.Nene Muebulani. Ukuimalizya isheria yeke Amusa, nalinji, Umfalisayo. 6 Kumaka yane natili chuvya ikanisa. Na tulileme isheria ntalinji ni rawama ichisheria. 7 Lakini kumambo yonsi yano nayalola yano yaka nkwevya nene nayawazya ngati mfuta mno namumanya Kirisitu. 8 Weni nayawazya ivintu vyonsi vino vikanfisha ukufuma kuu zipe wa kumumanya Akirisitu Ayesu Umkombe wane. kumkola naleka ivintu vyonsi, Nawazya infuta ili ndondole Akirisitu. 9 Ndoleke mung'anda yakwe. Ntali ni haki yane ngati nene ukufuma msheli ya nomba njili ni yaki iyo ino ikuloteka ku chete ukufuma kwe kirisitu, yakufuma kwe Amungu, ino yaoma nkani ya chete. 10 Nomba nkasime manye umkola amaka yakwe ya kuzyupulusha wamkola ni kundi vyake vya machulo yakwe. Kulondola badiliswenu Kirisitu kumfumo wa imfya yakwe. 11 Pmwi mbombengani nga weza ukuzyupukula awafwile. 12 Asi vino tiyali ntiazama amazwi yao, vino nene ntiwa nene wa chete kwe vivyo. Lakini nkukazana achino mpate chila mpate chino chazana nu Kirisitu Ayesu. 13 Mwe wamwitu manyi vino ntisila ivintu vyoo. Lakini nkuomba ndyonga: nkwiwila ya kuchila kuyalola yano izile. 14 Nkukazana mfukile ilengo achino mpate wansupe ukwitikila kwe Amungu vino Kirisitu Ayesu. 15 Wonsi wano twakulira mkupolela, tukutakiwa kwelengany'a ngati vii. Ngawenga wele ngany'a ngati vino chitalipo laa ukusu ichintu chonsi, Nu Amunau akalilangizya lilo kumwinu. 16 Navivyonye iyatuwa ifikile tupite kunzila iyo. 17 Wamwitu, ndolelani neneo walolani kuuchete wala wano wakupita kumfumo uno wakalana naswe. 18 Awavule wano wakakwikala ntiwanena, na nomba kuwanena kumasozi- Awavule wakakwikala ngati awawipe wa wamusalaba weke Kirisitu. 19 Pamwisho wawo uwononzi. Avino Amungu wawo ulikunsoni yao. Wakwelengany'a ya munsi. 20 Nomba wakati winu li kupela, kuno tukulondola umpozya witu Ayesu Kirisitu. 21 Akatubalisizya imili yetu imizoke iwe ngati miwili ya upuma ku maka yala nye yala uno ukawezya ukulema ivintu vyonsi.