1 Impati ni matatizo mwikutilinu yakufuma kwii ngavitakufuma mumiwili inu ni tamaa zinu imbipe zinozikuleka ivita mumonye mwikuti linu. 2 Mukukumbukila chino mu ntalinacho mukukomana mukichimbili liachino mutali niuwezo nacho mukulwa nu kukolofishana na fyanti mutakupata muno mtakamulenga Amungu. 3 Mukalenga na mutaka patamuno mukalenga kutenga chaka kwa ajili ya mawipe ngamwa patamuvitumiye kuchaka chakachaka winu muwipe. 4 Mwee wamalaya mutamanyile vino ukukundana ni dunia hauwaduwii nu Amungu. Kuli wensi wila ukuwa ni chiuza nnsi ukujichita wewe uwaduwi nu Amungu. 5 Au mukutimasomo ataun maana dano wakuvywanga umuzimu umutishwe ino wawisile mukasi mumwitu alinuwivu nkani kumwitu. 6 Nomba Amungu akafumya inkumbu nkani achino nomba amosomo yakumuanga Amungu akakuma awachibuli lakini akamupa inkumbu uwakwimva. 7 Nomba ifumya ni kwe Amungu mkanani ashetani nawenye akawa samala ukufuma ukumwinu. 8 Palamilani papipi nu Amungu na wenyewe akapalamila papipi namwe mpizyani amakasa inu mwee wa zambi na mpizyani imwenzyo inu namwi wa nzila ziwili. 9 Sikitikani lilanji karibu paulusha ni inseko zinu ukuwa machulo nukunonyma kunu kuweukulosha. 10 Tontani mwee wakola kuminsi yeke Bwana akawinula mpela. 11 Mutize mwakwambana mwemwe kwemwemwe wanawitu umintu winu akumuwanga. Ukumuliwila umunyina au ukumunyepa munyina aka mvanga kuiliwila isheria yeke Amungu ngamwa inyepa isheria mukuvuna ishenanu kujinyepa. 12 Aliwenga tuu wino akafumya ishela akimu Amungu wino alinamaka ya kupozya nu kukoma wewe weni wino ukumu nyepa jilani wako. 13 Imvwani mwemwe wanano mukamvanga. Ilelo au lyolo tukapita kukaya yoo nukwikala mwaka kuko nukazya ivuntu nukupata ifaida. 14 Wino wamanya weni chino chika loleka iyolo amaisha inu acha ni hasa, amuno mwakolana ngani asusuwe wino akaloleka kumuda umufupi alafu aasowa. 15 Nomba anga numvange muti utukasame weke Abwana tukakwikala anga tukufanya choo au chicho. 16 Nomba isazi mukunga kumambo amalingo yinu yayo azambi. 17 Nomba kumukola wino wamanya ukuomba amapuma alafu atakuomba kumukola wino izambi.