1 Ayakobo kachula weke Amungu nu wa mkombe Ayesu Kirisitu, kumakabila kuminaya wili ya sambana, salaama. 2 Wazyani ukuti alini raha nkani, wewe wanawitu ngamkupita pano pali machula amavule. 3 Ngamwanya ukuti kwelezwa kuimani yinu kukawapa ukuvumilia. 4 Lekani uvumilivu umalizye mlimo wakwe, ukuti muome lehele, kutalikupunguzyo hichonsi. 5 Ukuti mtu winu akulondola ibahati, alenge ukufuma kwe Mungu, wino akafumya kuwila nanti patali ukufyenuka onsi wano wakumlenga andawape njele (amasala). 6 Apano lengonji mwanzumila bila amashaka amuno wano wali namasha ngati amawimbi mlukuwa, wakusendwa nu weya kuwasumba kuko na kuko. 7 Akweli mtu wewe atapokeledwa iombi nyake kufuma kumkombe; 8 mtu wee alinzila ziwili, atalichele muzila nyake zyonsi. 9 Mwanitu afakala akalondola ukuwanchisembo pano alipapela, 10 nambaye viye, mwanitu umsavi pano ulonte wakwe akafuma ngati vwa mumafumbo ngati chalo chino akupita. 11 Idyanzi likafuma, ni chelungula chikazya vyonsi, avikala na mauwa ayapona, nuuzipe wake aufa, uiyonye matajili wakafa wakaleko imilimo yao. 12 Alinimpemba mtu wino kawetelekela ukwezwa amuna paho wa pota ukwezwa akapokela itaji ya upuma, kwewano wandikwe kumpenda Ayesu. 13 Mtu wensi wino akavunga pano akwelezwa hao kuufuma kwe Amungu, muno Amungu atakwezwa na mawipe, nu Amungu atakakwezwa imwi. 14 Chila mtu akakwezwa nu kubukilakwe amawipe yano yakamkofya nukumtwala kutali. 15 Pano ukumbukila kukalelo kusenda inda ni dhambi akalendwa nukumbukila dhambi ikula kabisa kusilila ukufa. 16 Wanawitu wanowawa kasama mtize mwalwipa. 17 Ichintu ichpe nichitu ichizipe chino chakamilika chikafuma papela chikakwika ukufuma kwe tata wa musanya. 18 Amungu watusozila asweswe ukutupa upuma kwi lingu nyachete ngati zwalezidwe pakutalika pavintu vyonsi ivyamsi. 19 Mwananya dyo wanowitu wanonawakasama chila mtu akalonda kwa wapepuka ukwivutize awe wapebuka ukuvunga nu kunyesa. 20 Mno ichilakali cha mtu itangiombe umlimo weke Amungu. 21 Achino nkuli ukani kutali uchafu ndambi nuwipe onsiye unoulipa ponsi, nutontee pokelau ilingu dinonyakomidwa mkasi mwewe lino lilinamaka ayakukwovua mwezo inu. 22 Chindikani ilingu ivunyi mwee mkuiwipa imwezo yinu wewahola. 23 Amwo wino ahakuvivu ilingu atanga bila kuliombela ikazi asawa nu mtu wino akuilolo mugalasi. 24 Akwisu wilai ipumi akwe nukupita badala ya muda amafupa ya kwiwilila vino yakolana. 25 Amno mtu wino akuilola nukuilola ichete ikani ibuta yakulekedwa nukwendelea kueshimu asumkolo akaleyelezwa awino ako kwiwililia wiyo mtu akawa nipemba panokuomba. 26 Pano mtu wensi akwelenganya umkola ukuti amtu wa dini, atango alupote ululimi ndwakwe aka ukofya umwezo waliwe ni dini yakwe baye. 27 Idini inoilichele inoita halibika pamiso yeke Amungu witu atata witu ayo kuwavu wandekwo, amkamfwile kumaimba yao kuichema wemkola nuwivi wa dunia.