1 Nomba, wamwitu, tulengelani, ya kuti iling dya mukombe lifikile ukwivwika nu kumuchindika ngativino chili kumwitu. 2 Rengani vii tuchite tupole ukufuma muu uzelele muwantu walombwaa, vino siyo wonsi awaakamilike. 3 Amuno mukombe umkamilike, awino akawawika ichete amwee mwee nu kuwasunga ukufuma kwewila umuwipe. 4 Tutaliningofi vino umukombe kukuwika kwumwinu, vino mkaviomba mukendelezye ukulenga ivintu vino tukawalailizya. 5 Umukumbe awezye ukuongoza imyenzo yinu ukufuma kunkumbu vini utontele ngati Kilisitu. 6 Nomba twawalailizya wamwitu ukupitila izima dya mukombe Ayesu Kilisitu, vino mrekenkane chira wamwinu wino akaishii amaisha ya ukosukalinji ukufumani mira zino mwatilimwivwa ukufuma kumwitu. 7 Avino amwemwe wakola mumanyile mukazumira kumwinu amulorela a sweswe. Tutikazile mukundi dinu ngati wala wanowatalinji nulwivwiro. 8 Tutadyire ichakudya cha mutu wensibilu ukulipira. Lablayekepapo twa omvile umulimo umukome kumachuro ili tu potwe unyome wensiwira changati mwemwe. 9 Twaomvile atuti avino chitalinji tulalinayo amadalaka achinovii kumwinu achino wakorechi walolele kumwitu. 10 Pano tuli ponga na mwe twatili tuwalailizya, ''nga wenga winu hatakasimeukuomba milimo, kusukudya''. 11 Vino tukwivwa wamwivwa wamwi wachili nuukosu milimo. Nomba awantu wano waka zamba zamba. 12 Nomba na wonye wawo twawala ilizya nuku wasimbikizya kumukombe Ayesu Kilisitu vino leezima muwombe umulimo kukutechelela nu kudya ichakudya chinu wakola. 13 Nomba mwemwe, wamwitu mutize mufwe umwenzo ukuomba yano yalchete. 14 Ngumutu wensi atakasime ukwikwa mazwi yitu kumambo yaa, mwikalichete nawe mutize muwe ponga nawe insoni kusezimweme. 15 Kusimumusendele ngati aanduwe, mwenji musundaji ngali mulipomga. 16 Umukombe wankumbu umukolaa wapange inkumbu umuda wonsi ni nzila zyonsi. Mushale nu mukombe woonsi. 17 Zyo asalamu zyane, Apaulo, kukaadyane nene yino arama kuchila via vinonkakwandika. 18 Nkumbu zyeke mkombe witu Ayesu Kilisitu chiwenamwe mwensii.