1 Mbagodheri Fibi mhara weitho ano akora emeremo munyumba ya kosasamerwa reno reneghe Kenkrea, 2 Igha mrawesa koghegha omokama. Mkore igho kobhohene bya bhasasami na naimere hamwe na kona yoyonswe ino mrature koghera umwene abhee omothorya wabharu, na kora we. 3 Mkeri Prisca bhane Akila, Abhakori bhameremo hanwe na naoni hare Kiristo Yeesu. 4 Bhano kukwikara kwane, bhahatarishi Obhohoru bwanwa abheno, ndarusia umukumyo harebho tena toni mwene he, na sasami bhonswe abhikyaro. 5 Nkererya resengero reno rerenge wabho. Nkerya Epanieto mosani wane ono arenge omweborwa wa mbere uwa Kiristo ko mugu gwa Asia. 6 Mkeri Mariam ono yakori emeremo kwanguru nebhenyu. 7 Monkeri Androniko bhana Yunia bhahiri bhane na abhabhohe hamwe nanoni. Mbuya koghera nkobhara bhare abhathomwa, wanabhatanghathire komanya Kiristo. 8 Nkeria Ampliato omosani hare omokama. 9 Nkeria Urbano omokori wa emeremo hamwe naoni hare Kiristo, stakisi mosani wane. 10 Nkeria Apele uno yikeri hare Kiristo. Nkerya bhonswe bhano bharenge na nyumba ya Aristobulo. 11 Monkeri Herodioni mhiri wane, nkerya bhonswe bheno bharenge mnyumba ya Narikiso bhano abharenge komokama 12 Monkeri Trifaina bhano Trifosa bhano bhakora emeremo mnyumba ya mokama, monkeri Perisi omoghesha ano akore emeremo mnyumba mnyumba ya omokama. 13 Monkeri Rufo ono yashaghoye mnyumba ya omokama na nyakwabho na Mayo. 14 Monkeri Asinkrito, Flegon, hereme nabhanto bonswe bhono bhanabho. 15 Monkeri Filologo bhana Yulia, Nerea na mohara wabho Olimpa, nabhakiristo bhonswe bhano bhanabho. 16 Mokeri bhonswe kukomena na shendama bhuya, Amasengero ghonswe hara Kiristo mobhakeri. 17 Bhono ndabhasabha abhethe thiitheghere kubhara bhakoghera thoranyareghana no kwanga ubwhigwerano ukwangha kwigwerana. 18 Koghera abhanto kyabhayo thebhakora Kiristo omokama, bhayo bharakora shenda shyabho abhene. Komang'hana amaiya agha bhurongo bhano bhankong'aina emioyo gha bhano bhathona isoro. 19 Ko mfano, obhohene bhwenyu mwahekeye lara omwe kubhuyo ndoshomerwa kobhenyu. Bhono ndatuna mobha na sensoni na bhohanshani. Mwangekobha na amasoro gokorentha obhoghogho. 20 Waryobha omorendi thathegethe kurusiko amasambwa hanse ya besamyi bhenyu omorembhe gwa omonene Yeesu Kiristo abhe namwe na bhenyu. 21 Timotheo omokori wa emeremo hamwe naoni, Abhakeri bhano Lukio, Yasoni na Sospita Bhahiri a bhane. 22 Oni Teritio, ono nandekire ekethabho keno, ndabhakeri kurina rya ndaghano. 23 Gayo, wanagiri mwisengero nkokeri. Erasto mrendino umobheki abhakeri hamwe na Kiristo. 24 (Angharra: ko mandeko gha mbere mstari ghono thegoho he. Maha abharumi 16:20. Omorembe gwa omonene Yeesu Kiristo ikare harebhenyu bhonswe Ebheigho." 25 Bhono hare ora ana Obhoweso bwokokora bhimere koregerekya abhaghabhi nameghya gha Yeesu Kiristo kureng'ana no okahonyorwa ko bhubhise kusisiko shinsharu. 26 Okobha bhono yamara kweghorwa nokokorwa komanyekana namandeko gho obhoroti kokerengere kya emighiro ghya Waryobha nsiko shonswe, kobhobha ho morembe gatho mokabhara kyonswe. 27 Ko Waryobha umwene omosoku, kuhetha Yeesu Kiristo, abhe no morembe nsiko shionswe. Ebheigho.