1 Mogheghe omonto wonswe ono arenge omorosu komaembe. Nukwanga kokengera ikina amaiteghero ghaye. 2 Omonto ono akorya ibhyakorya bhyobhyonso atakasera ora atakorya kento kyonsyo 3 Omonto omwe nana omorembe gwo korya kyokyonso, owonde ono arenge omonto bhu nkoryare shinyenyi. 4 Uwe neng'we, uwe ono okokengera ikina ora arenge omokori we emeremo woomonto wonde? Ne mbere ya omonene waye igha nkwimerare hande kogwa. Kasi nairimeribhwa. Kobhora omonene naratore komokora aimeere. 5 Omonto omwe ngukumyaare urusiko oromwe kutigha oronde. Uwonde shonswe igho bhora bhora, tigha kera monto aikeri kugwiteghera umwene. 6 Ora akoghota shinsiko. Aragheta kukaghira ya omonene ono akorya ararya kukughira ya omonene. Kobhora akohana Waryobha ubhukunya na ora atakorya arairebhora kukughira ya omonene wonswe nkurusyaare ukukumya Waryobha. 7 Kobhora monto atakomenya kwibhagha ryaye naho taho ono anaubwera umwene he. 8 Kobhora ntomanyire kukughira ya omonene kobhora tukukwa ngukwa tore kukughira ya omonene. Ku iyo hono tomenyire na torakwa bheito ntorenge umwando ghoomone. 9 Kokoghera Kiristo yakure na ukuryoka abhe newe omonene wa bhaku na abhahoru. 10 Kasi uwe nkwake okekengera wenyu ikina? Na uwe nkoke okosera uwenyu? Kobhora bhto bhonswe turimeera mbele ya ikitumba kya obhokama. 11 Kobhora yandekirwe bhono menyire araghamba omonene, Kooni riru ryonswe reno rihighamire. Na kira roreme ndorarusi ukukumya ko Waryobha. 12 Kera monto nararusi risabho ryaye koomonene umwene. 13 Kubhuyo totakaghenderya gwiki khobhoha nyakara kora igha taho ono aretoora omoghonshwe ku Waryobha. 14 Ne manyire nikereyi kukughira ya omonene Yeesu igha tekeho kento kughundo kyeene he. Nkoora agwitegheera igha kiyo nkighuundo, Koobhora hare we nkighundo. 15 Nkukughira ya ibyakorya uwenyu arareera toghende noothohanshi he. Otaka mosarya omonto kubhyakorya bbhyaho kobhora Kiristo yakure. 16 Kubhuyo motakwikerya mang'ana amaiya ghenyu ghabhakore ukunshera. 17 Kobhora obhokama bwa Waryobha tebhorenge bwa korya na kunywa he, mborenge kukughira, ya bhoheene, omorembe na kukushomeerwa umwika omohoreru. 18 Koora akokora emeremo ghya Kiristo kuiyo yaikeribwa na Waryobha na yaikeribwa na abhanto. 19 Kubhuyo tutune amang'ana gha omorembe naamang'ana ghano ghakotorya omonto wonde. 20 Otakasarya emeremo ghya Waryobha kukughira ya Ibhykorya. Ebhento bhyonswe mbiiya. Kosi mboghogho omonto uyo akorangera kokore atureture. 21 Mbuya ukwanga korya inyama hata ukunywa amarwa hata kyokyanswe keno kekoghera uwenyu areere. 22 Ubhukumya bhonswe igho bhono onabhotoore uwe umwene na Waryobha kobhora yahanwa na atakwibhoha umwene ko keera aikerei. 23 Ono akorya araitenga narenge mokebhohe. Na keno kyonswe keno kiruure mubhukumya ne ebhebhe.