1 Paulo omotomwa wa Yeesu Kiristo ono yabherekeywe kobha omotmwa nukwahorwa kong'ana ya Waryobha. 2 Eno neyo eng'ana eno yaghambire kare koheterra kobharoti bhaye komandeko amahoreru. 3 Yaashumasheye omona waye ono yebhoywe kukurwa kurwebhororwa Daudi konshera yomobhere. 4 Umwene yaraghanibhwi komona wawarobha kusingurus syomokama omohoreru. kukuryokibhwa kwa abhaku, Yeesu Kiristo Omonene weto. 5 Kokohetera kowe twahanwa omorembe kukwikeerya obhotomwa kubhukunya bhwa ibhyaro bhyonsekurina ryaye. 6 Ghale yibharo bheno, bhenyu bhonse mwabherekerwa kobha abha Yeesu Kiristo. 7 Ritashandighi reno nkobhonse bhano bharenge Rumi, bhano bhahanshirwe nawa Ryobha, bhano bhabherekerwa kobha abhahoreru, omorebe ghobhe kobhenyu, nobhohoru kukurwa kuwa Ryobha taata Weito na omonene Yeesu Kiristo. 8 Kobhenyu bhonse ndamukumya Waryobha wane kohetera Yeesu Kiristo kobhono ukwikeerya kwenyu kwaghambwa kukyaro kyonse. 9 Kobhono Waryobha numwimereri wane, ono nkotomekera konkoro yane, kohetera irina ryomona waye ono naghamba unkagha yonswe. 10 Nsiko syonse nkosabhande kokosasama konshea yoonse nishekunyoora komaigha gha Waryobha hano murisha 11 Kokobha nkwighombande kobhamaha. kuigho mbahane obhomanyi bha monkoro mobhe abhatereemeno. 12 Nkoghanyande kotoorwa enkoro hamwe na nbhenyu, konshera yukukumya kera omwe weito enkoro iyenyu niyane 13 Bhahiri kobhonigho ntinkutuna mwangee komanya, mara kaarunatunaga kusha kobhenyu, naanakanibhwi. Natuna ngaigho munyoore shehagho kyabhono erenge kubhyaro bhyende. 14 Nkosabhande nabha-Yahudi, nabhagheni bhonse abhang'aini nabhakangi. 15 Kuigho korobhareka rwane oni nkwikeeryande koraghanhya enga'ana kobhenyu bhano morenge Roma 16 Kobhono obhohene bhwa Waryobha bhorokibhwa kukurwa kukwikeerya nukwikeerya 17 Kyabhono yandekwa "Omohene naraikare kubhukumya" 18 Kuigho obhoghogho bhwa Waryobha mborokiibhwi kukurwa kighoro kobhano bhamangire nabhasarya bhonse, bhano bhakubhisa obhonene kokokora amaghogho. 19 Eno nkokobha, ghonse ghanogha kotora komanyekane ku Waryobha. Nobhakaghare kebhara kobhono Waryobha yabhateebhya 20 Kobhono amang'ana ghaye ghano, ghatakomahekana bhuya, ghabha kebhara kukurwa kokobhombwa kwikyaaro.Ghamanyekana kokohetera kobhento bheno bhyabhombwa. Amang'ana ghano nkobhotoro bhwaye bhwakare bhwa Waryobha. 21 Kobhora mbamanyiire Waryobha tebhamwikereenyihe na tebhamo haye ubhukumya he. Na kuigho bhabha abhakangi kukwitegheera kwabho, na senkoro syabho seno sana obhokangi bhwikisunte 22 Bhaibherekeeye igha mbang'aini bhakamara bhakabha abhakangi. 23 Bhasyoori obhong'ore bhwa Waryobha ono atakosarya kokohetera kubhusyo bhomonto omosarya, nakubhinyonyi, nakusityeenyi syamaghoro anne, nakobheno bhikwaghuura. 24 Kuigho Waryobha yabhatighire bhabhe nasenkoro sinyanku syoro namba, nemebhere ghyabho ghekabhabhayera. 25 Mbwabhene bhasyoori obhoheene bhwa Waryobha kobha obhorongo, na mbobhaighombereeyi ebhebhombwa bhkatigha omobhombi ono akukumibhwa nsiko syonse na ebhigho. 26 Kubhuyo Waryobha yabhatighire bhabhe noronamba rwabho rwensoni, kokobha abhakari bhabho mbasyoori amatomero amaiya ghemebhere ghyabho kobha amaghogho. 27 Kubhuyobhuyo abhashasha bhonse bhakatigha amatomero amaiya kobhakari, na bhakabha noronamba kobho abhene. Bhayo nabhashasha bhano bhararaini abhene kobhene bhayo mbanyoore inyanko yobhosarya bhwabho 28 Kobhono mometwe ghabho mbangire kobha na Waryobha yabhetighire bhakore amang'ana ghano ghatunwa. 29 Mbaishoribwa obhokori bhwa amaghogho, oronamba, nobhoghogho, mbaishora urwiso, ubhwiti, ubhutindi, obhorongo, ne-enkoro enghogho. 30 Abhene gwiki nabhaghambi bhabhanto, abhaihameerya, nabhano bhakorereera Waryobha. Bhano bhana amahe, ekeghaka na ukwihema. Abhene nabhangi bhamang'ana amaghogho, nabhano bhatakosoka abhebhori bhabho. 31 Abhene tebhana obhomanyile, bhano bhatakwikeeribhwa, tebhana bhoghonshe he. hna tebhana kyabhero he. 32 Mbamanyire imighiro ghya Waryobha kobhaigha abhanto bhano bhakokora amang'ana kaghayo mbarahokomerwe uruku, tebhayo abhene bhakokora ghayohe. nabhara bhakwikereeryanhya nabhano bhakokora ghayo