Ekheseku 1

1 Paulo omobhohe wa Kiristo Yeesu, mla wabho Timotheo uwa Filemoni, omohanshwa mosani weito ono akokola emelemo na bheito. 2 Ko Afia mohala weito, ko Arkipas umsilikale mlikyeto, kulisengero likusikana weito. 3 Omolembe gobhe hale bhenyu no obhohoru bono bukulwa kurwa hale tata weito Waryobha no omonene weito Yeesu Kiristo. 4 Shenkaga syonswe tukumi tata weito Waryobha. Ndakogamba ko masabhiryo gane. 5 Nigule obhohanshi no ukikerya kono onako komonene weito Yeesu kubasabhi bhonswe igho. 6 Ndasabha igha obhomwe bhobhohanshi bhwenyu bobe ubuya kobolonge komang'ana amaiya hale betho ku Kiristo. 7 Igha hano ishoomeywe nakobhohanshi bwaho kukughila imeyo gyenyu kukelya igyale kuhibowa nauwe, uwetho. 8 Ko bhono nena obhokale bhonswe hale Kiristo ililitebya uwe kokola kila kila watore kokola. 9 Kubho hanshi buyo adakokania igha oni Paulo ndenge omoghaka na bwono igho no omobohe kogela kwa Kristo Yeesu. 10 Nda kosasama omona wane Onesimo ukwebola kwane na bhono no bhohe byane. Kobhono mbele hayo tiyale muyahe, 11 ko bhono igho ikotoryale oni nawe. 12 Motomile wee ono alenge mkolo yane kemwe kusha haruwe. 13 Tinatunanga akale hamwe na oni igha atori kya uwe. Kobhondo ndenge kokebhohe kokogela ya eng'ana inshiya. 14 Tinatunanga akole eng'ana yayoshwe otalkilei he. Nakore igho enng'ana yeyoshwe ishiya itakakolwa ko bono na ko hamalii igha waikelei umwene kolekola. 15 Bhono kukughila twatigaini hale nauwe ko inkagha kasi obhe nawe hamwe sinsiko syonswe. 16 Atasha kokola igho abhe omobhohwa kasi okobako koba omobhohwa, komonto uwane kwa monda, kogela abe uwaho komobile na komokama 17 Ongege igha nuwe obhomwe nola mwikeri kyabhono okanyikelei. 18 Hano unyore osari eng'ana yende au ola saba ekento kyende, kesabe kulwa haloni. 19 Oni Paulo, ndandeka ko kobhoko kwane umwene: oni ndako hake. Tekoghamba igha ndakosaha gwiki he kobhoholu bwaho bhonswigo. 20 Ngatiga nyore omolembe gomokama kulwa haluwe okele buya ikoro yane hale Kiristo. 21 Hano naba bukumya kukuikerya kwaho nda kongara manyiriga nolakole kohetela bhola wasabile. 22 Enkaga iyo tunalighutu lyabhageni leno ndahekele kobhono nikelei kohetela amasabi ghaho ndakotare bhongo. 23 Epafra, omobhohe mlikyane ko Kiristo Yeesu alakokelya. 24 Bhono akokola Mariko, Arisitariko, Dema, Luka, abhakori be meremo naoni. 25 Obhohanshi bwa Omokama Yeesu Kiristo ebe hamwe no obhohoru bwaho. Amina.