1 Hano Sabato yahoye Mariamu Magdalena no Mariamu nyakwabho Yakobo na Salome bhakaghola amanyukiryo amaiha bhaghende koghohaka amaghuta omobhere ughya Yeesu ko kobheeka. 2 Nyinkyo ubwango ulusiko ulwa mbele yo lijuma, bhakaya koli kaburi enkagha eno omobhaso ghwatoree. 3 Bhakaghamba na bhabho ko bhabho, "nawe yakatotoli kuhwenia lighena ili tosohe mokaburi?" 4 Hano bhamahire bhakamaha, omonto omwe umumura afale shingibho shindabhu aikaye alopande ulya kolyo bhakaroghoore. 5 Bhakasoha ko kaburi bhakamomaha omumura afale shingibho shindabho, ikae mbareka na bhakaroghoora bhokong'u. 6 Akabhatebhya mwange kobhoha molamutuna Yeesu wa Nazareti onoyabhambilye aryokile taho hano, momahe hano yabhekirwe. 7 Mogende mokabhatebhi abhana funzi bhaye na onde Petero igha atangoreye kuya Galilaya hiyo mwakamomahe kya bhono yabhatebheli. 8 Bhakahya nokokenga kulwa mo kaburi ko bhono bhobhohire na koroghora, tebhaghambire keno kyonse ko monto yeyonse ko kobha bhobhohire 9 (Angaraa: Ghenakala ighya kale ghetana Mariko 16:9-20) Bhakamuta Ubwango kulusiko motange ko juma gwiki hano yaryokile akamworekya Mariamu Magdalena, ono yamurusiki amasambwa muhungate. 10 Akaya nawe kobhatebhya bhano bhale kobha nawe bhano bhale kunyakka na kukula amaisori. 11 Bhakaighwa no mohoru na amaekanini kasi tebhakukumia. 12 (Angaraa: ghenakale ighya kale ghetana Mariko 16:9-20) Gwiki koheta hayo abanto bhabhere bhakamomaha enkagha eno bhale kobhenda mo ikyaro. 13 Bhakaya na kobhatebhya abhanafunzi bhano bhabhe bhasaghile gwiki bhakanga ukukumia. 14 (Angaraa ghe nakala igya kale ghetana Mariko 16:9-20) Gwiki Yeesu akamahekaine ko bhale ikomi na bhamwe, hano bhale bhaikaye ko meza akabhaghamberea ko bhola tebhakukumia.Gwiki obhokongu mo ghenkoro ighyabho kobhola tebhakumili hano bhamoroshe aryokile kulwa muruku. 15 Akabhatebya mogende muikyaro kyonswe na morighambe ling'ana ko bheto bhyonswe. 16 Ono yonse akukumia na kushukibhwa na momanse naletolibwa na ono atakokumia yakanyore hekomo. 17 (Angaraa: ghe nakale ighya kale ghetana Mariko 16: 9-20) Ghe mesyo gheno mwakaghemahe ko bhano bhakukumia kulilina ilyane bhakerusye lisambwa. Bhakaghambe engambo yende. 18 Bhakaghote enshoka ko mabhoko ghabho na hano bhanyoyee ekento kikuita tekekokolahe kento he. Bhakatoree amabhoko igoro ya labharaye na bharahwena". 19 Hano yamerekushumasha akainyokibhwa igoro aikaye okobhoko ukwa kolyo ko Waryobha. 20 Abhanafunzi bhakaya koghamba ling'ana mu ikyaro kyonswe, na omonene arakola emeremo nabho na ling'ana lekabha mahene ghe mesyo ghekamaekana nabho.