Ekheseku 12

1 Gwiki Yeesu yawansire korokerya kokireng'ania akaghamba omonto yemeri omoghondo gwemezabibu akaghoghetera orobha, na akatuka obhorasa bhokobhoteka amarwa, akahaghasha umutimo na gwiki akabhakodesherya omoghondo ghomozabibu kobharemi bhemezabibu. Akamara akaya ikyaro kyahare. 2 Hano enkagha yahikire yatomire omokori wemeremo kobharemi bhemezabibu kohanwa shehagho syo moghondo gwemezabibu. 3 Kubhuyo mbamoghotire nokomotema, na bhakamokenya nukum nukumwima. 4 Akatoma gwiki omokori wemeremo wonde, bhakamotema komotwe nokomokora amng'ana ghensoni. 5 Gwiki akatoma uonde, no ono mbamwitire, mbakoreye abhande bhaaru amang'ana kyangano, bhakabhatema na abhande bhakabhaita. 6 Yarenga no monto omwe wokotoma omona waye omoghonshe, na uyo newe yatomirwe kokomareerya. Akaghamba, "mbaramosoke omona wane". 7 Kuigho abhakodishiribhwa bhakateebhanhya abhene kobhene, ono newe uumwando waye. Mushe, tumwiite numwando ngorabhe ughweto." 8 Bhakamoghota, bhakamwita nokomtabhuta kebhara yomoghondo ghwemezabibu. Kuigho, mwene moghondo ghomozabibu iyake arakore? 9 Narashe nokobhaita abharemi bhemezabibu na narahane abhande omoghondo ghwemezabibu. 10 Amandeko ghano timwakaghasomire he? Righena reno abhahaghashi bhangire, rebhaye righena rya mbareka. 11 Reno komonene ryarure na ndyakoroghora momaiso gheto. 12 Mbatunire koghota Yeesu, labha mbobhohire rikomo, kobhono mbamanyire naghambire amang'ana ghayo ghokorekanhya kobho. Kuigho mbamutighire nabhakatanora. 13 Gwiki bhakatoma abhafarisayo abhande na abha Herodia, kowe yarenga nkokomotegha namang'ana. 14 Hano bhahikire, bhakamoteebhya, "Umweghya, ntomanyire igha tokomahera mang'ana ghamtohe na tokorondekera monto wowonse he. Oreghya enshera ya Waryobha kobhohene, kuigho mbuya ukurusya rihaki kokaisari? hande mboghogho? nkotoratore kohaka hande he? 15 Kobhono Yeesu yaamanyire ubhubhisa bhwabho yabhateebheri, "Nkwake mokoteema? Mong'ane etongoro ngemahe." 16 Bhakarusya emwe bhakahana Yeesu, Akabhateebya, "Ikisyo keno nikyang'we namandeko ghano ghakono naghang'we? Bhakaghamba, "Naghakaisari." 17 Yeesu akabhatebhya, "Mohane Kaisari ebhento bhya Kaisari na Waryobha ibhya Waryobha bhaka moroghoora. 18 Gwiki Masadukayo, bhano bhakoghamba kuryoka tekohohe, bhakaya kowe bhakamobhoorya bhakaghamba, 19 "Umweghya, Musa yatwandekeye igha? hano oranyore muhiri womonto akure, na atighire mokaye na tatighire omonahe, omonto aghegha omokari wa mura wabho, nukwibhora nawe abhana bhamura wabho 20 Bharengaho abhamura endemwe muhungate, uwakamwe akateta na akamara akakwa, na tiyotighire monahe. 21 Gwiki uwakabher akamoghegha na wonse akakwa , na tiyatighire bhanahe, nuwakatato igho igho. 22 Nuwamuhungate yakure tiyatighire bhanahe kumuhiko omokari wonse akakwa. 23 Enkagha yukuryoka, hano bhariryoka gwiki, omokari nuwaang'we arebha? kobhono abhamura bhara bhonsibho muhungate mbarenga bhaghaka bhaye." 24 Yeesu yabhatebheri, "Kuyo tekobhono mwang'aninwa kobhono temomanyire amandeko na shinguru sya Waryobha?" 25 Enkagha yukuryoko kurwa kobhakutebhareteta hande kodoha kobholeta nihe, mbarebha kyabhanto abharabhu bha kighoro. 26 Kobhono, bhakuryokibhwa, timwasoma eketabho kya Musa kuring'ana ryekesaka, bhono Waryobha yaghambire nokomoteebya, oni noni Waryobha wa Abrahimu, nawaryobha wa Isaka na Waryobha wa Yakobo? 27 "Umwene tarenge Waryobha wabhakuhe, Waryobha wahahoru nakuigho mwasire. 28 Umwandeki omwi akasha nukwighwa amashumasho ghabho. Yaroshe igha Yeesu mbuya yabhahonshoye, " Akamwobhoorya" Mughiroke ghorenge omonene kokera ighyende? 29 Yeesu akamohonshora, ghono ghorenge omonene, ngono, ighwa, Iraeli, Omonene Waryobha weto, Omonene nomwe. 30 Ohanshe omonene Waryobha waho, konkoro yaho yonse, komuyo ghwaho ghonse, kobhongo bhaho bhonse, nakushinguru syaho syonse. 31 Umughiro ghwakabhere ngono, ohanshe murikyaho kyabhono wihanshire umwene, teghoho mughiro ghonde omonene ghono ghokere ghonohe 32 Umwandeki akaghamba, "Umweghya oghambire obhohene kobha Waryobha nomwe, na kubhuyo tiyaho onde kyawehe. 33 Okomohansha koomoyo ghonse, na kobhongo bhonse, nakusinguru syonse, nokohansha murikyaho kya bhono wihanshire mburya bhokong'u kokera okosengera kukwita." 34 Yeesu hano yaroshe ahonshoye bhuuya, yamotebheri, uwe torenghe hare nobhokama bhwa Waryobha he, kukurwa hayo taho hata omwe ono yakarehire komobhoorya Yeesu he. 35 Na Yeesu yahonshoye hano yorokeryaanga kurisengeero nakaghamba, "Niyake abhandeki bhakoghamba kobha Kiristo no mona wa Daudi? 36 Daudi umwene kojokama omooreru yaghambire, omonene yaghambire komonene wanne ikara kokobhoko kwane kwobhoryo, nkore abhabhisa bhaho bhabhe hanse yamaghoro ghaho. 37 Daudi umwene niobherekerare Kiristo, "Omonene" kuigho nomona wa Daudi kwiyake? Na rikomo ndya mwiteghereeye kwakushomerwa. 38 Kubhorokeerya bhwaye Yeesu yaghambire, "Mwobhohe abhandek,i bhano bhakwighomba koghenda nengasho entambe nokokeribhwa mometeera. 39 Nukiwikara kubhitumbe bhyabhanene mwisengeero na kushinsiko senene, nahano abhanene bhakwikara. 40 Gwiki nkorya bhare momaghulu ghabhano bhatatetwa na nkosabhabhare amasabho amatambe kuigho abhanto bhabhamahe. 41 Gwiki Yeesu akaikara hanse hangi na risandeko rikimwenso monse yarisengeero; Yamaheraanga abhanto bhano bhatorange setongoro syabho murisandeko, abhame abhaaru mbatoore shetongoro shinsharu. 42 Gwiki akasha omokari ono yakweerwa, nukurusya amatene abhere obhoghori bhwako nesenti. 43 Gwiki akabharekera abhegha bhaye akabhateebya, mwikeerindabhateebhya, omokori uyo atatetwa arusiri etongoro enene kokera bhonse bhano bhatoore mwisandeko rekemwenso. 44 Kobhono bhonse mbarusiri ekeke kubhwame bhwabho, nakuigho omokari uyo atatetwa arusiri etongoro yonse eno yare nayo eno akatomeeye kobhohoru bhwaye.