1 Yarenge igha Melikisedeki omokama uwa Sareem omusubhi uwa Waryobha ora arenge ighoro, oro yasikaini na Abrahamu araringa kurwa gwita abhakama akang'orwa. 2 Abrahamu namuhaye ebhento rikomi kobhera yarusiri abhanto, irina ryaye '" Merikisedeki" nigha, omokama obhoheene na gwiki omokama uwa Sareem yarenge omokama uwanyahene. 3 Atana suwabho, atana nyakowabho, atana abhaibhori, atana urisiko rono rwatangire maisha ghaye ghonswe rono rwahoye. Ko hayo yabhaye omokama uwasinsiko shonswe, kyo omona uwa Waryobha. 4 Kohayo iteghera kyabhore omoto ono yarenge omonene umwibhori weito Abhurahimu yamohaye ikitweno kya ebhento ikomi i bhiya bheno yaghere urihe. 5 Kobhohene obhokoo bwa abharawi mbagheghire amang'ana agha umusubhi bhakabha na shinguru kukurwa kumughiro ghono gwa komirwe hanwe iobhento ikomi kurwa kobhanto, bhano bharure kobhaisrael barikyabho, kugira bhonswe bobhokoo bhono bwarure hare Ibhurahimu. 6 Ghasimbe Melikisedeki ora atare nabhokoo kurwa Kobhalawi, yagheghire ekemwa hare ikomi kukurwa hare ibhurahimu na yang'orwe bhora yahaywe okoghanya. 7 Ko hayo abhake tebhakokanubwa kong'orwa na abhanto abhanene. 8 Kuring'ana leno omonto ono akoghegha limse kurikoni ngukware ulusiko romwa, ghasi kong'ana yende omwe ono haywe limse kurya ikomi yaghambirwe igha nalamenye. 9 Kokoshumansha Lawi yaheribwi rimwe kurikomi gwiki yahakire ekemse kyarikomi hare Abrahamu. 10 Kughira Lawi yalenge kobhokende bwa suwabho Abrahamu konkagha eno Melekisedeki yasikaini na Abrahamu 11 Ko hayo keno kyabhaye nkyaheteye kubhusubhi bwa abalawi (kohayo hanse abhanto bhaheribwa umughiro), ko hayo nke kyare kutunwa hare omokama wonde aemere kotemo na melikisedeki, okobherekerwa kora Haruni yatoore? 12 Kohayo hano omokama alaisiori nigha umughiro gonswe ghusioribwi. 13 Ko omwene ora amang'ana ghayo ghaghambilwe kulikabhira iliende kukurwa harewe ataho ono yakong'ire kwisengero he. 14 Ko hayo nerengigha omonene weito yarule hale Yuda, likabhila leno Mosa atatonirwe kobha umusubhi. 15 Ghano toghamba mbhuya hano okanyore omokama onde akatokire ono atubhaini Melikisedeki. 16 Omosubhi omohya uyo tora yare umusubhi ighoro yimighiro gheno ghetare kurwebholo lomonto, ghose kusinguru seno setakosareka. 17 Kohayo amaandeko nkomwikerya ghare: " Uwe norenge omusubhi uwa sinsiko sonswe kukitubhanuo kya Melikisedeki. 18 Ko hayo endaghono eneyatangatire yatorwe mbele yekeroseru na ekebhonshu. 19 Ko hayo endaghano tiyakore kenokyonswe keno kyabhaye hee. 20 Ghasimbe obhokare ubhuya bhuyo mbwarishokire kushumasho na kumuma, abhasubhi bhande tebhareye imuma he. 21 Ghasi Waryobha yagheghire imuma hara yaghambile agha Yeesu, " Omonene yarehe imuma na tarisyorya he uwe numusubhi uwa sinsiko sionswe. 22 Kohayo Yeesu onswe yaishire kobha umwimereri uwa endaghano inshiya. 23 Ko obhohene, uruku ndwaimerei abhasubhi kokora emeremo sinsiko sonswe. 24 Eno nkobhora abhasubhi mbaru bhareho, arwaho uwende ano toraho. 25 Kohayo onswe nalabhe umuya ono akurusia ubhuya, ono akotoria bhano bhakuhika hang'i Waryobha okohetera harewe, kobhola wee namenyire sinsiko sionswe kokosabhera. 26 Kohayo umusubhi omonene uwa etemo iyo singa yabhaye hare bheito ono atana obhosarya, oboghogho, umikoni, ono yahoywe kurwa kobhasaria, na yabhaye ighoro kokera ighoro. 27 We tiyarenge naghayo he, kukitubhanio kya umusuhi omonene, koghosengera sinsiko sionswe, kobhosarya bwaye umwene, gwiki na abharya bhande. 28 Kumughiro bharaghegwa abhanto atobheru kobha abhasubhi abhanene ghose eng'ana iyi muma, eno yaishire nyuma yumughiro, yamwahoye omona, ono yakorwe kobha omoheene sinsiko sionswe.