Ekheseku 2

1 Kuigho ntoratoore mbere koghano twighure totakasha kotorwa hare nagho. 2 Nakuigho hano oranyore ekeka keno kyashumashirwe nomorabhu mbuya bhore, okosarya nukuisyorya kuigho mbara hokomerwe. 3 Iyake torakore tohone nyore tateisyori ubhwisoryo obhonene? Ubhuisyo ryo mbwaghambirwe nomonene nokoretwa kobheto nabhano bhighure. 4 Waryobha yorokeri ikyaro amaroghoro na komkoryo amanene na kumituho gha-omokama omohoreru, seno yatwenirwe kubhuya bhwaye umwene. 5 Waryobha hyatore ikyaro keno kikusha, keno tukushumasha amang'ana ghako, kohanse yomorabhu he. 6 Kuigho omonto wonde yabhoroshe na akaghamba ononto no ninag'we? Hata oramuhiita? Labha omone wo-monto hata ora mutugha? 7 Wakora omonto kobha omoke kokera omorrabhu, wamufarya engatta yobhong'ore nnesooko (angaa amamg'ana ghano wamotora kighoro yamahoko ghyemeremo ghyaho. 8 Watorra kera ekento hanse yamaghoro ghho. kuigho Waryobha yatorra kera ekento hanse yo -monto, tiyatighire ekento kyonkyonse keno ketarenge hanse yayehe kobhonigho totokomaha kera ekento keno kerenge hanse yaye he. 9 Kuigho nkomahatore ono yakorwe kokera omorabhu-Yeesu, kokobha kunyanko nuruku rwaye-yafaribhwa engata yobhong'ore nessoko. Kuigho komorembe ghwa Waryobha, Yeesu yamenire uruku kokototorya bheito. 10 Mbuya yarenge kokohetera kowa Waryobha, kobhono kera ekento nkerenge kowe, yatakerwanga koreta abhana abharu kobhong'ore.Na kubhuyo yatakerwanga kokorwa omotangati kukwisorya kwabho kohetera inyanko yaye. 11 Kubhuyo bhonsigho bhabhere ono akobhashukya nabhano bhakushukibhwa, bhonse nkurwa bhare hamwe, kuwaryobha. kugho ono akobhashukya kuwa Waryobha takomaaha, ensoni kobha bherekera kobha nabhahiri. 12 Araghamba " Nende raghanchya irina ryako kobhahiri bhane, kukurwa monkoro yanne nende koreterya". 13 Gwiki araghamba, " kuuwe ninsikerya" Na gwiki " maha, hano nendenge nabhana bhano Waryobha yang'aye" 14 Kuigho, kobhono abhana bha Waryobha nkosanga bhare omobhere namanyinga, kuighoigho Yeesu wonse yasangire, kokohetera uruku atore komotobheerya ora-yane obhotonge bhwa abhaku, na uyo ndisambwa. 15 Eno nigho yabhye kokobhatoora bhuyagha bhaara bhonse bhakohetera irinyantarreki ryukukwa 16 Kobhohene tomorabhu akobhatooryahe, bhano bhakobhatoorya nabhebhorwa bha Abrahamu. 17 Kuigho yabha muhiriwabho kosenshera syonse, na-akabha umusubhi omokoro ono yana amaabhe nomoheene kobhento bhya-Waryobha, kubhuyo abhenenkoro yukurusya ikyabhero komasarya ghabhanto. 18 Kubhuyo Yeesu yanyankibwi nokotemwa, yanyore shinghuru sykobha toorya bhano bhakunyakibhwa.