Ekheseku 6

1 Abheto hano oranyore omonto wonswe aghotirwe koomang'ana amaghogho. Bhenyu bhano morenge abhahoreru. ngotonerwa more kuringya omonto uyo kobhororeru na kobhohabhu, na bhenyu mwimaheere abhene motakaasha kotemwa. 2 Motoorani kwangorana emirigho hano morake igho noranyore muhikiri emighiro ghya Kiristo. 3 Hano omonto araimahe umwene igha naisaini nkwing'ainare umwene. 4 Omonto wonswe aishunshe emeremo ghyaye umwene naarabhe neghento kyaye umwene ikyaukwirahia. Ono atakwreng'ani na monto wonde. 5 Kughira iyo omonto wonswe naragheghe emirisho ghaye umwene. 6 Omonto wowonswe ono akweghibwa eng'ana niigha asange na umwenghya waye amang'ana amaiya. 7 Motakaing'aina Waryobha ntakusha bhurwa keno omonto emeri nkyo akoghesa. 8 Omonto wonswe ono akwemya imusiro ya engogho bwaamakora naaragese ebhebhe, kasi ono akkwenya imusiro ya obhohoru naraghese obhohoru bwa amakora kukurwa kumwika. 9 Totakurosa kokora amaiya koobhora enkagha yako ntoreghesa amaiya kukwangha korosa. 10 Kuigho hano turinyora umweya tushe kokora amaiya kobhanto bhonswe tokore amaiya koobhara bhgukumya 11 Momaheere obhonene bwa amothasha ndighi ghano nabhang'oreye ng'oreye kokobhoko kwane umwene. 12 Bhaara bhakuta kokora ameiya komitegheero gha bhabhere. Nebho bhakutuna kobhahamerya mosarwe bharakora igho kukughira bhataasha kosoha kunyanko yomosalabha gwa Kiristo. 13 Na bhayo bhaasarwe abheene te bhaghotire emighiro he. Nyakara ngutuna bhare bhoenyu mosarwe okoori bhaihanshere emebhere shenyu. 14 Etasha kughira niheeme kose nkomo sarabha ugwa omonene weito Yeesu Kiristo. Harewe ikyaro ikighima kyanyaharekire kooni oni mukyaro. 15 Koobhora etare igha okosarwa nu kwanghwa kosarwa igha nkento nyakara ukwebhorwa bhohya mbuuya. 16 Bhaara bhonswe bhamenyire kumighiro gheno. Bhabhe nubhukumya nobhohoru igho igho yabho bhonswe, na ighoro yabho bhonswe, na ighoro ya Waryobha wa Israel. 17 Kukurwa bhoono omonto wowonswe atakaanyakya koobhora naghegha emebhaaso ghya Yeesu komobhere ghwane. 18 Obhohoru bwa omonene weito Yeesu Kiristo bhobhe monkoro yenyu, mweto ebhe kyaigho.