1 Abhanene mobhahane abhatomwa amang'ana amaiya, momanye igha tona omokama kuryobha. 2 Moghendeli kobha na shinguru mobhosabhi mwikale amaiso ko bwokomo. 3 Motosabhere na bheto ili Waryobha yeghole ekheseku toghambe ikibhisire ikya mahene, ikya Kiristo ko eng'ana eno mbhohire ne menyororo. 4 Na mwosabhe ling'ana lebhe kumaiso gheto kya bhono nkotakerya koghamba. 5 Moghende mobhomanyi ko bhale bhalenge mo ikyaro gwiki mwanghohe. 6 Amang'ana ghenyu ghabhe no bhotorya enkagha yonswe wiki ghambe no ubhuya enkagha yonse ili momanye kukorya kila omonto emborya yaye. 7 Ko mang'ana ghane Tikiko yakabhatebhili newe umuhiri wane ono mohanshire omokoli we melemo, umuya no motomwa mulikyeto ko mokame. 8 Nda motome wenyu abhatebhi amang'ana gheto gwiki abhiemoki ghe nkoro ghenyu. 9 Ndamotome alenge na Onesimo, umuhiri weto aho tohanshire gwiki alenge ne bheto yakabhatebhi kila kento keno kikulwa hano. 10 Arstariko omobhohe mwilikyane alabhakerya gwiki Marko mweho wane na Barinaba ono yeghire kurwa waye ono yakesha mumuturung'ane. 11 Gwiki Yeesu ono ako bherekerwa Yusto ono no mokola melemo mwilikane mo bhokolo ubhwa Waryobha. 12 Epafra arabhakerya wiki no motomwa wa Kiristo Yeesu alabhasabhera mwemele kyemwekemwe mo bhohanshi bwonse ubwa Waryobha. 13 Kubhimereri Bwane arakora emeremo emekong'u ko bhenyu wiki ko bhano bhalenge Laodikia ko bhano bhalenge Hierapoli. 14 Luka olaomoreri na Dema arabhakerya. 15 Ndabakerya abhahiri bhane bhano bhalenge Laodikia, Nimfa, na li kanisa leno lelenge kumughi gwaye. 16 Likamarwa leno ano lakasomwe wiki leghambwe muli kanisa ilya Walaodikia na bhenyu mohetere ebarua kurwa Laodikia. 17 Moghambere Arikipo angara omoremo ghono yahabwa no mokama nawe oghomaha. 18 Ene nenka maro yane oni omwene - Paulo muhite emenyororo ghene.Ene nenka maro yane oni omwene - Paulo muhite emenyororo ghare.