Ekheseku 1

1 Paulo omotomwa wa Yeesu Kiristo kokoreng'aana na bhono Waryobha akutuna. na moraweito Timoteo. 2 Ko-bhanto bhano bharenge abhaheene bha Kiristo bharenge Kolosai tata Waryoba abhahahne amaabhe na omorembe. 3 Torakumya ku Waryobha tata wa omonene weeto Yeesu Kiristo na tobhasasamere no kobhasabhera. 4 Twighure ubhuukumya bhwenyu hare Yeesu Kiristo na obhohanshi bhono monabho, ko bhaara bhahorwa koong'ana ya Waryobha. 5 Moona obhohanshani kukughira ya okobhekwa emong' o yeenyu ighoro mwisaro na hayo mwiguure eng'ana ya obhohene. 6 Gano ghasha kobhenyu na ghebhora no korandya kukyaro kyonswe eng'ana yaare kokoraigho kobheenyu kukurwa mikerei eng'ana ya obhoheene na ukweegha kukrwa ku Waryobha. 7 Eno neyo eng'ana ya heene eno mweeghire kukurwa Epafra omohanshwa omotomwa murikiero na omotomwa omoheene wa Kiristo kuribhagha ryeto. 8 Epafra yakorra tomanyekane obhohanshi bwenyu ku-mioyo. 9 Kukughira ya obhohanshani bhono kukurwa urusiko rono twighure igho tetoratigha kobhasabhera he . Ntwaare kosabha tuishoribwi umwika atohe no obhong'aini na okomanya kimwiika. 10 Ntware Kosabha igha mooraghende ko-koghomeerya kyaigho omonene ahanshire. shehago kukira eng'ana nshia moraabhe na obhong'aini bwa Waryobha. 11 Terasabha motore kohanwa shinguru ko kerenge keno kena ubhuhika kokogomeerya na okoremeerya gonswe. 12 Torasabha igha toble na omogoko morarusiri kukumiya tata Waryobha ono yabhakore bhenyu mobhe orobhareka rwa umwando ugwa obhorabhu. 13 Yatotanshora kukurwa kushinguru sha mukisunte na akatong'anyirya koobhokama bhwa omona waye omohanshwa. 14 Ko-moona waye ntoraighorwe na okosabhurwa amanagha. 15 Omoona nanaituubho ya Waryobha ono aakomahwa nu umwebhorwa wa mbele ono yaang'ore byonswe. 16 Kobhora ebheto bhiyo byonswe mbiya bhombirwe, bhera berenge Ighoro mwisaro na bhano beerenghe mukyaro mono. Ebhento bheno bhekomahwa. Ko-obhora mbiaamakora na mbiabhotonge bhwa shinguru. Ebhento bhiyo bhyonswe mbyambombirwe nawe umwene. 17 Umwene yabhayeho koobyeto bhonswe Igho na hare we ebhento byonswe bhagotaini hamwe 18 Nawe arenge omotwe gwa ombhere newe umwebhorwa wa mbere ukurwa mobhaku naigho anumweya gwa mbere ko bento byonswe. 19 Ko-obora Waryobha yashomerwa na ubhuya bwaye ko bhonswe tomenye mose yaye. 20 kokohetera enshera ya omoona waye yagotaini ebhento byonswe. Waryobha yakore obhong'aini kokohetera amanyinga gha omosarabha ghwaye. Waryobha yaretire omorembe kokohetera omosarabha gwaye. Waryobha yaghotaini ebhento kowe umwene hamwe na ebhento bhya mukyaro na byeno bherenge mwisaro. 21 Na bhenyu bhonswe konkaagha yende mwabhaye abhageni ku- Waryobha . Mokabha abhabhisa kukuiteghera okokora amaghogho. 22 Bhoono yabhagotaini emebhere gyenyu kokohetera uruku. Yakora Igho koori arete abhahoreru bhano bhataana masoro ghonswe mbele yake. 23 Hano moraghenderi kumukumya kobhono mwakomeeribwa moghakong'a. Mokanga kusyoribwa kukurwa kobhokare bwa eng'ana enshia eno mwighure kukurwa hareoni paulo ono yare omokori wa emeremo wenyu. 24 Kukughira ya bhenyu oni nkushomerwande kunyanka bhono. Ndakora komobhere gwane keno kikutweneka kunyanko ya Kiristo na komobhere gwaye ghono ghorenge risengeero. 25 Oni no-mengerinde naomokori we meremo wa mono bhorabhora nahanwa emeremo kukurwa ko Waryobha. Ukughira yenyu ndaishori eng'ana ya Waryobha. 26 Bhono nebho obhoheene bhono wanyoore bhwibhisire ku-imioka emiaru ko makora. Kasi bhono bhano bhakumukumya mbrahonyoorwe nawe. 27 Kobhara Waryobha yatumire kohonyora ubwame na ubyuya abyanto bhana tamomanyire. 28 Ono we tokoraghanya torakania omonto wowonswe na ukwegya abhanto bhonswe okori tohire abhanto abharonge wa Kiristo. 29 Kukughira ya ghayo oni ngokorandee na shinguru shaye sheno aghokora emeremo kooni.