1 Bhono bhahiri tosabhe bhiga ling'ana ryo monene linyaraghanibwi nokoghesibwa kya bhono lenge harebhethe. 2 Tosabhe thothoribwi kobhobhe bwa bhanto bhano bhaighira kobhora thebhonswe bhaikerya. 3 Omonene Wetho nomoheene onalatokengi bhenyu nokobharenda numbisa 4 Nthona obhokare kurwa ko Monene kughira henyu morakore na mlaghenderi ghokora amang'ana ghano thorabhathome. 5 Omonene alathora kothothangatha mioyo ghetho kughira obhohanshe bwa Kiristo 6 Bono thorabhathoma kurina ryo Monene Yeesu Kiristo mtighane no muhiri ono akomenya no bhoro ethakabha igha netemo yae enoyarusiri kobhakoro. 7 Kobhora bhenyu mmanyire igha mbuya kutwegha bhetho, tutwaahoye kobhenyu hee titwabhaye kyabhara bhathale ne soko. 8 Gwiki titwaleye ibhyakorya bhyamonto ole wonswe tokanga kohakaa. Twakore emelemo ubhutiko no mobhaso emelemo emekong'u ni nyanko korithothasha kobha imiligho kohenyu. 9 Twakore igho kughira bhora totare nobhothonge. Twakore igho thobhe ukwegwa hare bhenyu mtweghebheto 10 Enkagha eno tware hamwe na bhenyu ntwabhatomir "igha hanolanyore omwe wenyu athaghutuna ghokora emeremo atakarya." 11 Kobhora tokwigwa igha abhande bharaya mobhenyu kobhoroo. Mbarakore emelemo thebhabhe no korongehya hee. 12 Bhono bhayo bhonswe ntorabhatome nokobha kang'aserya komonene Yeesu Kiristo ighaa nigha bhakore emelemo koghotenta, nokorya ibhyakorya bhyabho abhene. 13 Ighaa bhenyu bhahiri mtakarimya ekoro ghokora ghano gharange kobhoronge. 14 Hano oranyore omonto orewonswe athagutuna ghosoka ling'ana ryeto kugwikereryana, thobhe nukumwishunsha gwiki athakabha nshama na bhenyu. 15 Mtakamoghega kama umbhisa momamahe kama umhiri 16 Omonene wa ebheigho uwene abhahe kobhaigho konkagha eleyonswe shenshera shonswe Omonene abhe na bhenyu bhonswe. 17 Eno nenkera yane Paulo kokobhoko kwane uwene, eno elenge oroghore, komaghore nigho na ng'oree. 18 Omorembe ghomonene weito Yeesu Kiristo ghothore kobha na bhenyu bhonswe.