1 Paulo, Silwano, na Timotheo, kurisengeero irya Abhathesaronike ku Waryobha tata weito na omonene weito Yeesu Kiristo. 2 Omorembe ghobhe ko-bheenyu na obhohoru bhono bhukurwa ku Waryobha tata weito n ko-omonene Yeesu Kiristo 3 Bheito eratotoonya kumukumya Waryobha kusinsiko syoonswe kughira ko bheenyu abhahiiri bhuuyo mbo ekototoonya koobhora ubhukumya bhwenyu bhoraruha bhokong'u na obhohanshi bhwenyu ko kera monto bhwaruhe bhwaaru. 4 Bheto abheene torashumansha kubhuuya bhweenyu ko risengro irya Waryobha. Toroshumaansha amang'ana agha ubhunyoohu bhweenyu n aubhukumya bhono monaabho ku nyaanko yoonswe. Torashumansha ko amang'ana agha inyaanko eno mwaghomeerrya. 5 Keno nkyo ekemanyeerryo ikya ekebhohe ikya obhoheene ubhwa Waryoobha. Ubhurweeero ubhwa ghaayo bheenyu mwanghe erwa okonagheerya kosoha ko obhokama ubhwa Waryobha bhono koowe moranyankibhwa 6 Kobhora no obhoheene ku Waryoobha okohaka inyaanko bhaara bhakobhanyaankya bheenyu. 7 Na okobhahana ubhuya bheenyu bhano mukunyaankibhwa hamwe na bheeto areekora iigho enkaagha eno iya ukweghoorwa ukwaye omonene Yeesu kukurwa kighooro hamwe na omorabhu uwa otooro bhwaaye. 8 Ko oromesyo urwa omooro arebhakyoorya obhoghogho bhano bharamomanyiire Waryobha na bhano bhatakwighwa eng'ana inshiiya iya omonene weito Yeesu. 9 Balinyaankibhwa ko amasikyo agha amakoora eno bhaahooywe na singuru isya omonene na obhong'ore bhwa singuru syaaye. 10 Arekoora enkaagha eno aliisha na okoghesibhwa na abhanto bhaaye na okoroghoribhwa na bhonswe bhano bhakumukumya ko bhoora bhweeto ko bheenyu bhwikereribhwi ko bheenyu. 11 Ko -okogheera kuuyo torabhasabheera bheenyu ghinsiko ghyoonswe torasabha igha Waryoobha weito abhabhaare igha nkotora more kobherekerwa. Torasabha igha muhiki ubhuuya na emeremo ighya ubhuuya kusinguru. 12 Torasabha amang'ana ghano ghalikumyii iriina iryaa omonene Yeesu. Torasabha igha moghesibhwi nawe. kuughira enoonkwe rya Waryobha na omonene weito Yeesu Kiristo.