1 Komang'ana ghano mwanyandekeeye: Hwere enkagha eno ekotakerwa umushasha atakarara namokaye. 2 Kokotemwa kwa amaroye ghobho sorare kera umushasha abhe namokaaye, nakera omokari abhe na moghaka waye. 3 Umushasha aratakerwa kohana mokaye abhohene bhokotetena ighoigho omokari komoghaka waye. 4 To-omokari yana obholonge komobhere ghwayehe, moghaka waye ighoigho, umushasha wonse tana obholonge komobhere ghwaye he nomokari waye. 5 Motakaimana hano mwarara hamwe rabha hano mrikereerani konkagha enke. Mokoreigho munyore enkagha yokosabha, gwiki moho kukoraana. Risambwa retakasha kobhateema kokobhora amasabho. 6 Kuigho nkoha teebhyande amang'ana ghano kwa bhuya. 7 Nkwighombande kera omonto akabhaye kyabhono ndenge, okobhakera omonto yana obhomanyi kukurwa kuwa Waryobha, ono yana obhomanyi bhono ne-ora yana obhomanyi bhoora. 8 Kobhano bhatatetwa na bhano bha kwerwa ndaghamba igha mbuya bhatighare bhatakatetwa, bhabhe kyaoni. 9 Nyorre hatakotora kwirebheera kuigho bhatetwe. kokobha mbuya koobho okotetwa bhatakasha kobha na maighomba 10 Bhono kobhara bhatetwa ndabhahana umughiro, tonihe nomonene akobhaha. Omokari atakanga mushasha waye. 11 Nyore nahoka kukurwa komoghaka waye, atighare igho atakatetwa aratamwe akyorani namoghaka waye numushasha atakaanga mokaye. 12 Kobhano bhatighara, oni ndaghamba tomonene he, kobha, nyore umuhiri wowonse yana omokari ona atakukumya nayikeerya komenya nawe, takotakerwa kumutigha he. 13 Nyore omokari yana umushasha ono atakukumya na- araikerya komenya nawe atakamutigha. 14 Ku-mushasha ono atakukumya uyo nkosabhuurware kohetera ukukumya kwa -mokaaye. Nomokari ono atana ubhukumya uyo nkosabhuurware kokohetera ukukumya kwa -moghaka waye. Hano etakabhaye igho abhana bhenyu mbakabhaye abhanyanku kobhoheene bhasabhuurwa. 15 Mrikyaho ono atakwikeerya hano aratanore aghende kuigho umumura nomohara tebhakobhohwa nasimuma syabho he. Na Waryobha yatobherekeeye twikare tomenye kobhohoru. 16 Iyake omanyire nyore omokari narehonhya moghaka waye? na gwiki iyake omanyire nyore umushasha nare toorya mokaaye? 17 Keera Omonto amenye kyabhono omonene yamutweneye, nakera omwe kyabhono Waryobha yabhabherekeeye. Bhuyo nobhora ghankyo bwane komasengeero ghonse. 18 Hware ono wanyore yasarwa akabherekerwa kwikerya? Atakateema kurusyaho keno ya saarwe. Yaho wowonse ono yabherekeeeywe kwikeerya atarasaarwa? Takotakerwa kosaarwa he. 19 Koreno ono yasarwa na ono atakasaarwe bhonsigho tebhana nyankohe. Inyanko yabho hano bharange umughiro gwawaryobha 20 Kera omwe atighare bhono yabharekeeywe na Waryobha kwikeerya. 21 Warenga omobhohe hano Waryobha yakobherekeeye? Ota kobhoha kuigho nyora oratuna kobha nubhuhuru koraigho. 22 Kuwomwe ono yabherekeeywe nomonene arenge omobhohe, nomonto ono atana ekebhohe komonene. Kyaigho kera omwe ono yana ubhuhuru hano yabherekeeywe kwikeerya yabhaye omobhohe wa Kiristo. 23 Mwamara koghorwa kobhoghori kuigho motakabha abhabhohe bha bhanto. 24 Abhamura na bhahara bheto kokomenya kokonse, kera omwe weito hano twabherekeeywe kwikeerya, tobhe igho. 25 Kobhara bhonse bhatarateta, tene na umughiro kukurwa komonene he. Kubhuyo ndabhateebya mobhe kyabono nde. komabhe gho-omonene. 26 Kuigho nkwitegheerande -igho kokobha inyanko, mbuya mumushasha atighare kyabhuyo-are. 27 Wabhohwa komokari kumuma yokoteta? Otakatuna ubhuhuru kukurwa kuigho. Ona Ubhuhuru kukurwa komokari toratetwa he? Otakatuna omokari. 28 Nyore noteta torakora ekebhe he, nanyore omokari taratetwa he hano aratetwe takore ekebhe he. Bhara bhakotetana bharanyoora inyanko, naoni ndatuna mbahoni nayo. 29 Kuigho ndaghamba igha bhamura bheto na bhahara bheto enkagha ninyeng'e. Kukurwa kobhonigho nokoghendeerya bhano bhana abhakari bhamenye kyabhano bhatanabho. 30 Abha bha bhayeru bhabhe kyabhano bhatabhabhayelye, nabhonse bhano bhakushomerwa, nyore tebhashomerwa ngahe, na bhonse bhano bhakoghora ekento kyokyonse nyore bhatare nakento. 31 Nabhonse bhakunyanka nikyaro bhabhe kyabhano bhatanyanka nakyo, kobhono ubhuya bhwa -ikyaro mbona umuhiko. 32 Ndatuna mobhe nobhohuru kusinyanko syonswe. Umushasha ono atarateta na arakora wbhento ibya omonene, nkumshomerare. 33 Umushasha ono yateta na arakora amang'ana ghaikyaro, kukushomerya mokaye. 34 Omokari ono atakatetirwe naono atakakore amaigha nkokorare amang'ana gha Omonene kukwa hokana komobhere nakomokama. Okobha omokari ono yaletwa nkokorare amang'ana ghikyaro ashomeri moghaka waye. 35 Nkoghambande igho ko horohoro yenyu abhene, na tenkotora motegho kobhenyu he, nkoghambande igho kobhono mbohene, kuigho moratora kushukibhwa komonene. 36 Nyore omonto arakanya takotora kokora kokosoka umwenga waye, mbuya akokora na wowonse ono akushaghora ukwanga koteta mbuya akokora. 37 Nyore yamora ukwanga koteta tekoho kusingiribwa he, na nyore naghomeerya amateemwa ghomobhere ghwaye, na tiyateta he. narakore bhuuya. 38 Kuigho ono akoteta umwenga waye nkokorare bhuya, na wono wonse akushaghora ukwanga koteta nkokorare bhuya bhokong'u. 39 Omokari nkobhohware namushasha waye hano arenge omohoru, hano umushasha arakwe naratetwe numushasha wowonse ono ahanshire, nkuring'ana rya Omonene umwene. 40 Komaragheeryo ghane narashomerwe bhokong'u hano araikare kyabhono arenge, na nkokanyande kobha oni wonse nena obhokama bhwa Waryobha.