Ekheseku 5

1 Twighure igha amang'ana igha koho obhosorare kati ya bhenyu. Bhosorare onobhotahayo katekate ya bhanto bhekyaro ntona ebhari igha omwe wenyu alatara na mokasuwabho. 2 Na bhenyu mlikumya khagha mokoro ghora? otaakore ghayo arakakerwa kurusibhwaho kobhenyu. 3 Nokobha ndenge hamwe komobhere kuigho ndenge hamwe na komoyo. More komomara uyo aghakore kama bhora nareho. 4 Hano misikaini hamwe kulina lyo monene weito Yeesu. Na moyo ghwane hwele hara kushenguru syo monene weito Yeesu, mare komomera omonto uyo. 5 Mare komohana omonto uyo komasambwa kobha omobhere ghwaye ghosaribhwi okobha yaye ekekore kohonibhwa kurusiko ro monene. 6 Maihemo ghenyu tekento kihaye. Temomanyire obhotondoru obhoke kosarya bhore ikighima? 7 Mwiyonghi bhenyu abhene obhotondori ubhwa kare, okobha mobhe ekento ekehya, okobha mobhe libofulo leno letatondoye. Kobhora, Kristo omona wa ring'ondi ryento uwa pasaka amare kushinshwa. 8 Kobhora tushomerwe inyangi tekobhotondora ubhwa kale ye etemo eghogho na inyanku. Nyakare tushomerwe na ribofuro retatorewe obhotondoru obhokosasama na ubhohene. 9 Naghori inyarubha yane kobha mota kaishoghana na bhaibhori. 10 Tenena igha abhebhori bhe ikyaro keno na bhano bhana oronamba anobhosaki amokosengera emesambwa kukwikara hali nabho bhono yare kotakerwa murwe kukyaro kono. 11 Kobhono ndabhaghoriaghoria mwange kwishoghana na wonswewonswe ono akobherekerwa mura wenyu au mohara wenyu kukiristo. Okobha amenyire mobhosorare no wonswe araighomba au omosaki au omosengeriwa emesambwa au omontoki au umunywi okobha temokarya nawe omonto we temoiyo. 12 Bhono yanke ndabheko bhaghira bhakebhara yarisengero? Nyakare bhenyu temo bhaghire bhano bharenge mwisengero?. 13 Bhono Waryobha arabhaghira bhano bharenge kebhara. Murusiho omonto umunyaku mobhenyu muyo.