¹ Aahele hukhaya yeleshila! Ekhaya yelenibho elaniwe. ² Sagawahovyezye uzu lya Ngolobhe, wala sagaohaposheye amasunde afume hwa Yahwe. Sagamwovwezye o Yehwe nasagabhahuzobhele o Ngolobhe wakwe. ³ Amwene bhabho simba bhabha guruma mhati yabho atazanyi bhabho mbwa londe bhana dyebhela bhase bhasagazya abhantu eho habhabha hasyolilye sambwiti yakwe. ⁴ Ankowa bhakwe bhane vibuli na lume bhaleshile. Adimi bhakwe bhabheshele amakhosi pibhanza apafinjire na bhaibhombeye ibho ikalata. ⁵ Yahwe welyoli mwamwabho bhanti. Sawezizye abhombe amabhibhi. Kila na sambwiti ahwemelela pelyoli yakwe! Segaifisiha hwisanya, hatashesho abhantu bhasagabhali ne lyoli sebhamenye alole esoni. ⁶ Enganakenya amataifa; engome zyabho zinachishe. Engabhombile ekhaya zyabho magwela, eshonomo hate ummo washirila hwamwene. Ekhaya zya bho bhazi na nkenye hwahuje nomoo omuntu wakhala. ⁷ Nyanga, 'Lyali mubhanogope aane. Posheli amasude msibhehwe ohutali afume mzikhaya zyenyu hwagoti gala ganagapanjile agabhambe hilimwi.' Lakini bhali nomwoyo ahwande kila lisiku hwa na nkanye amadala gabho goti. ⁸ Hwahuje goleli eliliyagwilwe no Yahwe - mpakisiku lyenaibhoha hwajili yabhavwaleye. Ahwamule hwane abhabhonganye ensi, azibhonganye emwene, nawite pamwanya yabho ikuni lyane. ⁹ Epo embabhapele amalomu amiza abhantu, abhakwizye bhoti hwitawa lya gosi antumishile nkabhemelele humwoyo gwoti. ¹⁰ Afume isyele lye soho Ethiopia bhabhaputa - bhantu bhane bhabha nyapene bhezalete edhabihu hushirile hulini. ¹¹ Pahati yisiku elyo semwaibheha owoga humadala genyu goti gamwa gabhombile ashirile ane, afume ensiku zila embahwefye afume hulimwi, bhala bhabha shelekeye owinza wenye, nashirihe semwaibha no mda otali abhombe ahwilole pamwanya yigamba lyane ifinjile. ¹² Lakini na ibhaleha nashi abhapansi sana nabhantu amasikini, namwaipatabapashembelele hwitawa lya Yahwe. ¹³ Ukhaya we Israeli sagamda ogosi sagabhabhombe oudhalimu au ayanje ilenga, nagumo omele ogwelenka gwaibhoncha mmalomu gabho; hujebhalisya na gone pansi, nanomo hata umo wayibhabhomba huje bhogopaje.'' ¹⁴ Telaga, lendu wa hu Sayuni! Bwagaga ibwago,e israeli. Esongwe na shime omwoyo gwonti, lendu wahu Yerusalemu. ¹⁵ Yahwe ayefwizye alongwe hwaho; abhabhenjeye hutali abhibhi bhaho! Yahwe mwene wahu israeli pandwemo yenyu. Na mwaha semwai hogopa nantele bhibhi! ¹⁶ Pahati yesiku eizyo bhayanga hu yerusalemu, ''Oganje hogope, Sayuni. Oganje ileshe amakhono gaho ga yongo lele. ¹⁷ Yahwe Ongolobhe waho ahweli pahati yenyu, owe hakhone owa bhokole. Aishelekela pamwanya yenyu na huwinza aibha mye pamwanya yenyu huu winza wakwe. Aibhanasongwe pamwanya yenyu aishima huwinza, ¹⁸ pahati yisiku ilinza lye sharehe. Naihwefwa efwa afume hulimwi; sepatali sana semwaibhosya esoni hwajili yakwe. ¹⁹ Enya, endi tayari abhabhombelele abhibhi bhenyu bhonti. Pahati omuda gula, emba bhokole bhebha lemeye na bhabhonganye bhenye bha tagwilwe hutari. Embabha bhombe abhe bhinza, na emba ibadilisye ensoni yabho ebhe nyinza pahati yensi yonti. ²⁰ Pahati ye muda gula embabhorongozye; pahati ye muda gula embabha bhonganye pandwemo. Embabha bhombe ensi zyonti zya padunia pabhabhe pantu pabhasombelele, penyee mubhapalole huje, embabhe embawezizye, ''Ayanga o Yahwe.