¹ Ezi nongwa zya Yahwe zyezyahimizyile hwa Sefania umwana wa Kushi umwana wa Gedalia umwana wa Amalia umwana wa Hezekia, hunsiku zya Yosia umwana wa Amoni, Umwene wahu Yuda.'' ² Embahangamizye kabisa shila hantu halali munsi mudunia - eli ayanjile Ugosi yuyo. ³ Emba hangamizye evyuuma embahangamizye enyunyi ezyaziluka humwanya ne samaki ezyamuminzi, unankanyi nu bhibhi. Embalufutile umntu wa padunia - eli ayanjile Ugosi yuyo. ⁴ Embafishe nene nu khono gwane hunsi ya Yuda na bhoonti akhaaya bhahu Yerusalemu. Embabhafule na mifwani ggagasagiye aga Baali afume husehemu ene na bhantu ena matawa gabho bhabhaputa amifwani ebha agosi bheshibhanza, ⁵ abhantu bhabhaputa amangulubhi hwigulu na bhamntu bhabhalapa hwa Yahwe, na bhabhalapa hwa Mweene wabho. ⁶ Embabhafute bhaala bhabhagalushe hwisalo (hwisind, awe akhosi) afume ahufuate u Yahwe, na bhaala bhabhahufuata u Yahwe bila abhunzye oulinzi wakwe. ⁷ Ubhe myee hwagosi Yahwe! Isiku elya Yahwe lili pipi u Yahwe ayandalile edhabihu abhatenjiye ajenu bhakwe. ⁸ '''Ebhabhe isiku elye dhabihu eya Gosi, embabhakhome Agosi na bhana bha Mweene no muntu yakwife amenda ageshijenu. ⁹ Isiku elyo embabhakhome, bhonti bhabhaluha mumabadalyango, bhabhamenya enyumba ya gosi wabho efujo ni lenga. ¹⁰ Ebhabhe isiku elyo - eli litangazo lya Yahwe - aje eshililo sha zugumizu shayenza afume mumandyango ga samaki, ehaikhola iholo afume huwilaya eyabhili ni izu elyenshinto engosi afume humagamba. ¹¹ Kholaji iholo mwakhaaya hi soko lye wilaya na hwabhonti achuluzi aibha abhana nkinye bhonti bhabhapima ihela aibha abhefutile. ¹² Ibhabhe isiku lila embayanze i Yerusalemu no lukhozyo embabhakhome alume amwele hombwa bhabha bhabhayanga humoyo gabho huje, 'Yahwe siga abhatibhombe nkazimo embibhi awe enyinza.'. ¹³ Eshuma shabho shaifyulwa ne nyumba zyabho zya iteketela na kwangamile! Bhaizenga enyumba lelo sigabhaikhala muhati yakwe bhaitola amazabibu lelo sigabhaimwele ihombwa yakwe. ¹⁴ Isiku igosi elya Yahwe lili pipi, lili pipi lipalamiye izu lye siku lya Yahwe ibhabhe ya zonde na lile ouchungu we shilume! ¹⁵ Isiku elyo lyaibha lisiku lye lyogo isiku elyo zugumile nouchungau, isiku elye haala ehali isiku elye maangamizi isiku elye nkisi noutusitusi, isi elye mabhingo na nkisi ingosi. ¹⁶ Lyaibha usiku lye kengele ni penga hungome ya huvujiji ne buruji entali. ¹⁷ Eshi embalete amalabha hwa bhantu bhaijenda nesha bhabhafwiye amaso ahwande isiku lyabhabhombile embibhi hwa Yahwe. Idamda lyabho lyayitiha neshi inkodi na mabili gabho gaibha neshi amavi. ¹⁸ Ihela zyabho ne dhahabu zyabho sigazyabhavwa isiku elye lyoyolya Yahwe. Ensi yonti ihailungulila nu mwoto aibhakomesya bhonti bhabhakhala munsi ene.''