1 Lyafumiye isiku lyeutawala wajaji munsi nwali enzala, no mntu omo wahu Bethelehemu yo Yuda abhalile munsi ya Moabu pandwemo noshe wakwe na bhana bhakwe bhabhalile na sahala. 2 Etawa ilya muntu oyo aliyo Elimeleki, na itawa lya she wakwe aliyo Naomi. Amatawa ga bhana bhakwe asahala bhabhakuvizyanga Mahiloni no Kileoni, bhali bha Waefraemu bhahu Bethelehemu yahu Yada. Bhali shile munsi ya Moabu na khale pepo. 3 U Elimeleki, ulume wakwe Naomi, afwiye no Naomi alehwilwe na bhana bhakwe bhabhale asahala. 4 Aihana ebha bhahejile abhashe bha Moabu; itawa omo ali yo Oripa, na itawa owamwabho aliyo Ruth. Bhakheya shwo amaha kumi. 5 Bhonti Mahiloni no Kileoni bhafweye na bhale shile o Naomi mwene bila lume na bila bhana bhakwe bhabhele. 6 O Naomi ahamuye asogole Moabu pandwemo na bhashe bhakwe na bhana na awene whwa Yuda esababu ali ayonvwezye omkoa gwa Moabu aje ya Yahweh abhavwe abhantu bhakwe aje habhawanza abhapele eshalye. 7 Esho asogoye esehemu yeyali pandwemo no she na bhana bhakwe bhabhele, bhahishile idala lya wele munsi eya Yuda. 8 O Naomi abhabholele abhana bhakwe, ''Bhaji, muwere, omo wenyu, mmnyumba ya nyina wenyu wakwe. No Ungolobhe alanje uwinza whwobho bhabha fwiye na whaline 9 Ungolobhe abhavwe amwe agwaje utoyo, ole weka mhati yenyu mnyumba ya lume uwenje.'' Antele abusu, na wonjezya esauti zyabho na lile. 10 Bhabhozya, ''Ndadi! Tauvela pandwemo nawe hwa bhantu bhaho.'' 11 Ila u Naomi ayanjile, ''Weli, whaline! Yenu mwaibhala nane? Kwani endi nabhana mvyanda vyane kwajili yenyu, ili bhahenze abhe bhalume bhenyu? 12 Weli, bhana bhane, bhaji amadala genyu mbhene kwakuwa ane ensi gogote tee abhe no lume. Nkenje enjanje, 'Ehwamini embahumwaje ulume usiku hwogu, ;Nantele napape umwana usahala, kwa hiyo mgangole hadi akule? 13 Mubhagolele na msahegwe esalazi? Ndadi, mwema wane! Inswezya tee kuliko samwa nkongobhe zezye emwe kwa sahala amakhomo ga Yahweh ubhalile shingunga nane.'' 14 Ndipo abhashe na bhana bhazuvya esauti zyabho na lile nnantele. Oripa alajile nahulusu, lakini u Ruth ahahenseleye akhale nawo. 15 O Naomi ayanjile, ''Tejezya, uwamwenyu awelile hwa bhantu bhakwe na mizimu gakwe. U Ruri pandwemo wape.'' 16 Ila Ruth ayanjile, ''Usahandeshe isisogole hutali nawe, kwa kuwa hwobhabhale, embabhale, pa bhakhale embakhale; abhantu bhaho bhabhabhe bhantu bhane, no Ngulubhe waho abhabhe Ngolobhe wane. 17 Pawafwele nafwela pepo na pepo naiswyelwa. Yahweh enavwe na hata nyinji nkashele pali hohonti isipokuwa entwa namwaha sagavwezizye andehanye. 18 O Naomi nawalola aje u Ruth ali ayamuye abhale mawo, aleshile abesanye nawo. 19 Shesho bhonti bhabhele bhasafiliye paka bhalishile hujini hu Bethelehemu. Shesho na bhafiha hu Bethelehemu, hujini bhonti bhasongwelwe, abhashe bhajile, ''Ono yo Naomi?'' 20 Ila wabhabhozya, ''Msikuvizye Naomi. Mnkwizyaje Chungaji, kwa kuwa Ongolobhe ambombeye amambo makhali sana. 21 Nabhalile emelile, ila Yahweh wambwezya akhaya sendi na bhonti. Shesho yenu mkwizya Naomi, wakati mndola Yahweh antesile, wha Ngolobhe ayintesa?'' 22 Shesho ona Naomi no Ruth Mmoabu, oshe na bhana bhakwe, bhawelile afume ensi ya o Moabu. Ihawelile hu Bethelehemu huwhande amatingo gea mashairi.