1 Gunu ni msango gwa Yahwe ongwongejile ku sefania amwana wa kushi omwana wa Gedalia omwana wa Amaria omwana Hezekia, kurunaku lwa Yosia omwana wa Amoni omukama wa Yuda." 2 Enisingalisha chimwi bhuli chinu okusoka mubhusu bhwe chalo chinu ni nyaika ya Ratabhugenyi omwene. 3 Enisingalisha omunu na jityanyi, Enisingalisha jinyonyi ja murwile na jiswi ja munyanja, obunyamuke amwi na mabhibhi. Kutyo eneselanya aleta omunu okusoka mubusubwe chalo- chinu ni nyoka ya Ratabugenyi omwene. 4 Enikinga kwo okubhuko kwani inguru ya Yuda na bhana abhewkasi bha Yerusalemu. Eneselanya elala bhuli bhisigala bhya inyanja okusoka kulabara lwa masina ngabanu abho abhalamya lisusano kurubaju lwa abhagabisi, 5 abhanu abho bhali ingulu ya inyumba abhagabila emibhili ja mwinguru, a banu abho abhagabila no kuraila kwa Yahwe nawe abho abharaila ku mukama webhwe. 6 Enibheselanya alela bhalia abho abhaindukile inyuma okusoka okumurubha Yahwe, na bhaliya abho abhamurubilishya Yahwne bhila kutura kubarindi bhaye. 7 Ujibhile imbele ya Rathabugenyi Yahwe! kulwokubha orunaku lwa Yahwe luri ayeji, Yahwe etayarishishe ebiyanwa na bhatula abhagenyi bhaye kubari. " 8 Oruja kurunaku ebiyanwa bhya Ratabugenyi kutyo enibhabuma abakuru bha bhana bho mkama, na bhuli umwi oyo bhafwafishe emwanda ja bhagenyi. 9 Ku runaku lwo enibhabhuma bhona abho abhachuma inguru ye bhijingiti, bhaliya abho abhejusha inyumba ya Ratabugenyi webwe kwo kusamba no kujigwa. 10 Eyibha kurunaku luliya- Inu ni nyaika ya Yahwe- ati echililo cho bhusurubaye echija okusoka kumulyango gwa jiswi, niyongona okusoka kuwilaya ya kabili, na lilaka lisito enene okusoka muchima. 11 Mubhume muyogane, abekasi bha musokoni bha wilaya, kubhona abasuluja abhabha bhabanyamuye, bhona abho abhalega jiela abhabha bhabese aleta. 12 Eyibha kurunaku ruliya alwo eniiga Yerusalemu kwa Itala no kubhabhuma abharume abho abhabha bhenyanjile ku kumulambha gwebhwe no okwaika ati mumitima jebhwe, Yahwe ulakola chonachona, amwi echekisi amwi echibhibhi. 13 Ebhinu bhwebhwe ebhija ogengwa, na jinyumba jebhwe ejibha bhajisigile no kujisingalisha: Abhombaka inyumba nawe bhatakwikala omwo, no kuyuamba emijabhibhu nawe bhatakunywa omulambha. 14 Orunaku orukulu lwa Yahwe luli ayeyi, ayeye na bhwangubhwangu! Laika lywo orunaku lwa Yahwe orubha rufu lwa lisungu rwoobuigi. 15 Orunaku olwonorubha runaku lwebhinyinyiga orunaku lwo obhusurubaye na lisungu, orunaku lwo obukene na masingalisho, orunaku rwe jisute............ orunaku rwa melena lisute linene. 16 Luribha runaku rwa linhyhawegona nechililo cho bhulemo inguru yemisi jumbakiwe olugo ne minala milela. 17 Kutyo enileta omweko ingulu ya bhanabhanu, kutyo abhalibhastya sayeyi na barume abhaofu aho bhambiye okukola amabhibhi inguru ya Yahwe. Amanyinga gebhwe agetika lwo luteli, no rubaju rwebhwe olyamunda orubha lwamafwi. 18 Norwo jiela jebhwe norwo jijahabu jibhwe jitakutula okubhajuna ingulu yebhinyiga bya Yahwe. Munda yo muliro gwa libubha ryebhwe echalo echisingalika, kuto kaleta obhulengelesi, mubhutelo bwokubaisha kubhona abho abhekala muchalo chinu.