¹ Amarola ga Obadia. Ratabhugebyi Nyamuwanga naika kutyo inguru ya Edomu Chamongwa emisango okusoka ku Rathabugenyi, itumwa bhaituma inguru ya maanga, naika ati, mwimuke! Inguru yaye kubulemo! ² Lola, enibhakora bhatoto ku maanga, abhabhagaya mno. ³ Echisilimu cho mutima ngwao chakujigajiga awe, awe oyo wikaye kubituro bhya mabhwiyi, ku nyumba yao eya inguru, oyo kaika mutima ngwao, Ningoyo katusha anye ansi? ⁴ Norwo kutyo wimeleguyu inguru ya itai norwa echisuru chao abhachitula kujnjota, enikutosha ansi okusoka eyo, kaika Yahweh. ⁵ Labha abhefic bhgile kuwao, bhakabha bhasakusi bhakwijiye mungeta (kutyo wakatemewe alela!), Bhatakatulile okwibha ebhyokubheya? kutwo abhakumanya , abhemijabibu bhakakwijie, bhatakasigile mageso? ⁶ Rwa kutyo Esau bhamalile okumubhumo, ne chibikiro chaye jiselekerwe bhajiteye aja! ⁷ Abhanu bhona abhabhali amwi nawe abhakusila ku njila mpaka kubhutelo. Abhanu abho bhali no mulebhe amwi na bhene bhakujingile, no kukusinga. Abho abhalya mkate ngwao bhateyo aechitegero emwarwo yao. Bhutalio obhungwani munda yaye. ⁸ Nawe ntatulile orunaku orwo, naika Ratabugenyi, okubhegatilisha abhanu bho bhulengelesi okusoka Edom no kumenya okusoka muchima cha Esau? ⁹ Abhaigi bhao abhasulubana, Temani, Koreleki bhuli mnu bhamtemelealeta okusoka mchima cha Esau kwo kubheta. ¹⁰ Kujuno yo bhujimya obhobhakorelwe no muili wao Yakobo, ofundikirwa na jiswala, ahona abhakulemelala aleta kajandende. ¹¹ Orunaku orwo walinga wimeleguyu, orunaku orwo abhagenyi bhagega ebhinu bhyaye, nabho bhalinga bhali bhagenyi mumlyango gwaye, no kubhuma jikura ku Yerusalemu awe waliga uli mubhumwi bhwebhwe. ¹² Mbe na we utakondelwa kurunaku lwa bhaili bhao, orunaku lwo lufu lyaye, no kubha utakondelewe inguru ya bhanu bha Yuda kurunaku lwo bhunyamuke bhwebhwe; mtekuya kuruna ku lwa injala yebhwe. ¹³ Utengila kumulyango gwa bhanu bhani kurunaku rwo lufu lwebhwe; utakondelerwa inguru yo runaku lufu lwebhwe, nawe ,utabhula bhutajili bhwebhwe kurunaku rwo bhunyamke bhwebhwe. ¹⁴ Utemeleguru kujila yo bhutaghanyisho, kusongayo kubhalemelela aleta abhawigi bhaye na utabhasoshao abhalyaye bhaye kurunaku lwa injala. ¹⁵ Ku songa orunaku rwa Ratabhugenyi ruliayeyi na maanga gona. Kutyo ukolele, eikorekana kuwao; ebhikorwa bhyao ebhisubha inguru yo mutwe ngwao omwene. ¹⁶ Kutyo mwanyweye muchima chani echelu, nicho amaanga gona kutyo aganywa omwanya gwona. Abhanya no kumila ne ebha kutibhaga bhatalio chimwi. ¹⁷ Mbe nawe kichima Sayuni abhabhao abho bhakisibiwe na bhabha bhweru; na inyumba uya Yakobo bhaligwata obhurange bhwebhwe. ¹⁸ Inyumba ya Yakobo ogubha murilo, na inyumba ya Yusufu ni bhesi rwo murilo, na inyumba ya Esau amabhubha ngomile bhona abhabharwashya, no kubhasiga. Bhatakubhao bharwaye ku nyumba ya Esau, kwo kubha Ratabhugenyi aika. ¹⁹ Bhana okusoka Negebu bhalikama echima cha Esau na bhaliya abha shepela bhaligwata insi ya Wafilisti. Abhene bhalikama Insi ya Efraimu na Insi ya Samaria; na Benjamini kakama Gileadi. ²⁰ Abhafuruki bha bhise linu lya bhanu bha Israeli walikama insi ya Kanaani kubhutero bhya Sarepta. Abhafuruki bha Yerusalemu, abhobhali Sefaradi, bhaligwata emisi ja Negebu. ²¹ Abhakisha abhagenda okukinga inguru ye chima Sayuni bhatunga insi ye byyima bhya Esau, no bhukama obhubha bhwa Ratabugenyi.