¹ Ulija unu alija okukunyamula bhibhutu bhutu kaja ingulu yao. Linda indugu yo musi, linda wemile, mwitemo amanaga amwe abhene, mukama rye abhaseeilikale bhemwe. ² Kolwokubha Yehova kasubya obhukonde bhwa Yakobo, lwa kutyo bhuli obhukonde bhwa Israel, nolo kutyo abhagwata no kubhanyamula nokunyamla amatabhi ga jijabhibhu jebhwe. ³ Ingabho ya bhaigi bhae ni imutuku na bhanu abhaigi bhafwae emyende jimutuku, jimotoka jo kulwanila galabhilwe agarabyangile mu moma gago omwanya gwa mumisi na machumu go muvinje agalaswa mulutumba. ⁴ Jimtoka jo bhulemo gali mubwangu mumbala agabhilima imbele na inyuma mumbala. Gali kati, lumuli na agabhilima kuti lulabyo. ⁵ Uliya unu alikubhutula masinja misinja kabhabhi likila abhakulu bhae. abhekujula kubhuli umwi kuwejabho mukuli bhata kwebwe; abhanguilisha okusimagisha indugu yo musi. Ingabho inene ilabhwilwe okwilinda na bhanu abhasimagisha. ⁶ Emilyango mumigela ejisinyilishwa okwiguka, na liyumba lyo mukama eligwa mubhunyamke. ⁷ Husabu afulilwe jingubho jae na agegelwe, abhakosi bhae abhachigasi bhali na chikunga lwa jinguti, abhabhibhuma ebhifubha bhyebwe, ⁸ Ninawi ili kama kuti ejibhalya maji linu lifumukile abhae kwobhumwi abhabhilima lwa maji ganu agetuluka. Abhandi abhaika, "Imelegalu, imeleguli," nawe atalio unu kekebhukila inyuma. ⁹ Gega bhinu ubwene ebyajimpilya, gega ebyajijahabu kulwokubha bhutako bhutelo bhwabyo, kwo bhukonde bhwe bhinu byona ebyekisi ebya Ninawi. ¹⁰ Ninawi iti italimo chinu na inyamuhywe. Omwo yo gwa bhali munu oguwebele, ebhijwi bya bhuli munu ebhikunula amwi, no bhusungu bhulinakila munu, na jisuso jebwe bhone jikusukile. ¹¹ Oli lilyaki elyobho bya Intale, anu jinlale jindela ejilya ebhilyo, aolubhala lunu Intale indume na intale ingasi bhalibhatile, amwi abhana Intale, anu bhatobhaile chinu chona chona? ¹² Intale yatabhuye tabhuye bhinu yaliga ifwimile masinja masinja inguru ya bhana bhayo; etile bhinu aliga afwimile ingulu ya bhagasi bhae; nokulijusha inanga yae bhunu aliga afwimile, obhwikalo bhwae bhinu byaliga bhifuye bhinu aliga afwimile. ¹³ "' Lola, anye nitashanyishe nawe, linu ni gambo lya Yehova we bise enocha jimotoka jemwe ejo bhulemo mungesi, na chinyambutu echisimagisha jintala jemwe jinsigaji. Eniganya bhinu mubhwene mubhulemo okusoka munsi yani no bhulaka bhwa bhatumwa bhemwe bhutalitegelesibhwa lindi."