¹ Nubhume ing'ombi ku Sayuni, na nuyongane inguru ye chima chani echeru! Abhakosi bhona abha insi bhayalale kwo kubaya; kwo kubha orunaku rwa Ratabhunyi oruja; kubha luri ayeyi. ² Ni runaku rwejisute no bwilafuru, runaku rwamele nejisuto echinene. Kutyo katondo isambalire kubhima, echise echinene nechamanaga echila. Chichaliga kubhayo echise kecho na litakubhayo lindi, no bwambiro rworwibhulo rwafu. ³ Omurilo ogukolela bhuli chinu imbele yaye na inyuma yaye omurilo ogwaka. Insi eyo kwo mugunda gwa Edeni imbele yaye, mbe nawe inyuma yaye ;liliyo libara erwolinyamukile. Ni chimali chikilio chonachona echoechitoroka. ⁴ Omurolo gwebise ni kutityanyi, abhabulima kabho abhalinya kutyanyi. ⁵ Abhachuma abha yogana ga jimotoka inguru yo butero bwechima ka liyogana lwo busase byo murilo ongwo ogusingalisha amanyansi, ka lise ryamanaga eryo litayarishishe kubhulemo. ⁶ Imbele yebwe abhanu bhwebhwe no busu bhwebhwe bhuli na libara. ⁷ Abhabulima ka bharwani bhamanaga; abhalinya kudugu ka bhasilikare; mberira bhuri umwi kwa jitambi, na bhatakunyamura jingobho jebwe. ⁸ Nawe atario umwi oyakasindika owejabho kubari; mbelira, bhuri umwi kunjira yaye; abhene abhabutura kunjira yo bhuridi na bhatagugwa aja ya jingobhi. ⁹ Mbabhukimira kuchikare, mbambhurima kudugu, mbalinya muda ya inyumba, na abharabha kwo kutura mumadirisha ka bhefi. ¹⁰ Echalo echitingita imbele yebhwe, prwire oluyalala, omusana no kwesi ni chisute, na njinjota ejisiga okumagamaga. ¹¹ Ratabugenyi kenamsha lilaka lyaye imbele yebhise bhyaye; kwo kubha abarwani bhaye ni bhafu mno; kurwo kubha abhene ni bhamanaga, abho abhakara ebhirogilo bhaye, kwokubha orunaku lwa Ratabhugenyi ni runene no rubaisha mno. Ni goyo katula okwikara. ¹² Mbe nawe norwa holi," kaika Ratabugenyi."Musubile anye kwe mitima jemwe jona. Bwangu nulile na walame. ¹³ Msalalule emitima jemwe, nti mwenda jemwela, no kusubha kwa Ratabugenyi Nyamuwanga wemwe. Kwo kubha ni wa neema na ni mwafu wo bhulengelesi bhwo murago, na akendele okuinduka okusokana na Indiyo. ¹⁴ Niga kamenya? Amwi akaidukire na bha nechigongo, no kusiga libhando inyuma yaye, ebhiyanwa bhya jishano ne chiyanwa cho kunywa ku Ratabugenyi, Nysmuanga wemwe? ¹⁵ Nubhume ing'ombi eyo Sayuni, nubhirikile kusonga ya lifungo eryeru, na mubhirikile likofyanya eryeru. ¹⁶ Mukumanye abhanu, obhubhirikirwa bhwa likofyanya ereru. Nukumanye abhakaruka, kumanya abhana na abhana abhalela. Abhsatwasi bhatura okuhuruka aja ye bhyumba bhyebhye, na bhenga bhahuruke mubhyubha bhyebhwe. ¹⁷ Mbe abhagabisi, abhakosi bha Ratabugenyi abhobali kucheru na kuchishengelo. Bhabwire, bhakubilikire abanu bhao, Awe Ratabugenyi nawe utasosha omwandu ngwao kwa jiswala nkorereki amaanga gakame inguru yebhwe. okubaki jibhyile okwaika ku maanga, "Abheaki Nyamuanga webhwe? ¹⁸ Niho Ratabugenyi aligai wa managa kunsi yaye no kubhasasila abhanu bhaye. ¹⁹ Ratabugenyi nabhasubhya ati abhana bhaye, mulole, ambaletela jinafaka, omulamba omuyaya na mafuta. Owikwilishanya nabho, no kubhantabhakola okubha na jiswalo ku maanga. ²⁰ Enibhasoshao abhakombelesi bha Kaskazini aleta newe, ne nibhalabhya kunsi eyo yumile neyo isigiriwe. Orubara lwa imbele Iwechise chebwe eingira munyanja ya Mashariki, no rubhara lwa inyuma orwingila munyanja ya Magharibi. obhubute bhwaye obhwimuka inguru, no bhuhunye bhwye obhubhili obwimuka inguru. Nichamali, akolele emisango mikuru. ²¹ Mtobhaya, insi msadabhe no kukondelerwa, kwo kubha Ratabugenyi kakola emisango mikuru. ²² Hutobhaya, jityanyi mwitina, kurwokubha amalebhelo ga ibare gomile, amati agebura amatwasho gaye, na mati gemijabibu nemijabibu ejibura amageso gebwe gona. ²³ Mkondelerwe, emwe abhanu bha Sayuni, na Mkonderwe ku Ratabhugenyi, Nyamuwanga wemwe, Kwo kubha kakuyana ingubha inoto kwechitoto no kuleta ingubha kusonga yemwe, ingubha yinoto na ingubha inyafu nka kubwambiro ao. ²⁴ Amatare gokugurusisha agejura jingano, nebhinu ebhijula kwomuramba omuyaya na mafuta. ²⁵ Enibasakila ,mumyaka jebwiryo ebhwo jisinge jaliye, Palale, jisinge jokusingalisha- ebhise ebhya managa abhyo atumile kwemwe. ²⁶ Omurya ebhiryo bhafu ni mwiguta, no kunikusha lisina lya Ratabugenyi, Nyamuwanga wemwe, oyo akolele ebhirugusho kwemwe, na ntabhaletela lindi abhanu bhani. ²⁷ Oumenya ati anye ndi ku Israeli, na kutyo anyendi Ratabugenyi, Nyamuanga wao, na atalio hundi, na ntakutiuta kubhaletela jiswalo abhanu bhani. ²⁸ Ejibha jikatula ejo enitira omwoyo mweru gwani inguru ya bhemibhili jona, na bhana bhwemwe na bayarakaji bhwemwe abhatatilisha . Abhakaruka bhwemwe abharotha ebhilwoto, abhasigaji bhwemwe abarota echiroto. ²⁹ Na inguru ya bhakosi na bhakosi bhechigasi, jinaku ejo enitirila omwoyo mweru gwani. ³⁰ Eneresha ebhiruguro mwinguru na munsi, amanyiga, omurilo na inomyo ya ingesi. ³¹ Lisute elibha chisute no kwesi okubha manyiga ruchali runaku rukuru rwo kubaisha orya Rathabugenyi orwolwakaje. ³² Eibha ati bhuli munu oyokabhilikila lisina lya Yahwe klakisibwa. Kurwo kubha muchima cha Sayuni na Yerusalemu abhabha na bhaliya abhabhakisibhwe, kutyo Rathabugenyi aikile, kwabho abhwo bhasigayeo, bhaluja abho Rathabugenyi kabhirikila.