¹ Enimelegulu ku nomyo yani yokwimelegulela no kwitao omwene inguluye chisonge cho bhwimelegulika na enilola kwo bhwengeso okulola omwene kaikatiki ingulu yani na enikebhukila atiki okusoka mukulugusibhwa kwani. ² Yhwe ansubhishe naikati," Nugandika amalolo ganu na wandike bhwelu bhwelu ingulu yo lubhao koleleki unu kasoma atule okubhilima. ³ Kulwokubha amalolo ganu gac hali kwo mwanya gunu oguya gulikingila aliloma abhutaligwa, Nolo kutyok jilikola, ilinde, kulwokubha chimali ilija italikola. ⁴ Lola! uliye obhukalaliye bhwae bhutili kisi mundayae kesha kwa managa. Nawe omulengesi alilama kwe likilisha. ⁵ Kulwokubha obhwlwa ni bhujigi bhwo nusigaji o we chisilamu koleki ataja kwikomesha, nawe olukusha inamba yae lwa infwa na kuti lufu; litakutula kwiwa. Omwene kekumanyisa bhuli eanga na kakumanya ingulu yao na bhanu bhona. ⁶ Ganu gona gatalikola obhwaika bhwo kujimya no lwimbo lwo bhyujimya linu lumwile; jilimubhona uliye alyongesha bhinu bhitaki bhyae. Kwo mwanyaki bhulyongesha obhusito bhwa chinu ugegele? ⁷ Bhanu bhategelee okusoka kwae bhatalimuka awo na wo? na bhanu abhakuyelasha okwimuka? Ulibha musulumbaye ingulu yebhwe. Kulwokubha wakumanyishe bhanu bhamfu; amasigala gona agabhanu, galikukumanya awona. ⁸ Kulwokubha wetiye manyinga mamfu muno agabhanu na wakolele kwo bhunyamke waganyakile echalo, emisi na bhona bhanu bhakayemo omwo. ⁹ Jilimubhona unu kabhona ebhinu kwok bhunyamka inguluyo musigwae, kulwejo katula okola lisuli lyae ingulu okumta omwene ewekisi kula na mabhoko go bhunyamke. ¹⁰ Weganilishe jinwalo ingulu ya inyumba yao kwo kubhatema bhanu bhamfu, na wakolele obhunyanke ingulu yao omwene. ¹¹ Kulwokubha libhii lilisosha obhulaka okusoka kundugu; na luswi lwa jimbao lulibhasubya. ¹² Jilimubhona unu kommbaka umunsi kwa manyinga na unu kakoimesha omusi kwa bhunyamke. ¹³ Inu utakusoka ku Yahwe owebhise ati abhanu bhakole emilimu kwo mul;ilo no maanga gona agandi niganyamka agene bhutabhona chinu? ¹⁴ Ichali echalo chilijula obhwengeso bhwa likusho lya Yahwe lwakutyo omanyi agejula munyanja. ¹⁵ Julimubhona unu kamukola omwikashanya wae atamile, awe unu owongesha isumu ubhakole bhakolwe koleleki ulole obhutuyu bhwebhwe. ¹⁶ Uliyelwa najinswalo muno okukila likusho. Okunywa eyo kutyokutyo, ufundukula obhutuyu bhwao omwene. Echikombe cho kubhoko kwa bhulyo kwa Yahwe kulija okukuindukila awe, na jinswalo jilifundikila lisimi lyao. ¹⁷ Obhunyamka bhunu bhwakolemwe ku Lebhanoni bhulikufundikila no bhunyamke bhwa jintyanyi bhulikubhaisha, kulwokubha wetiye amanyinga gabhanu na wakaola kwo bhunyamke ingulu ye chalo echo emisi na bhona bhanu bhekayomo. ¹⁸ Echisusano chinu chimogelwe echikusakila chinu ki? Kulwokubha unu achimogele echo, nolo unu achikolele kwo kucholobya kwa metali, ni Mwiigishe wo lubheyi, kwolwokubha kekilisha umulimu gwa mabhoko gae anu kabha nakola amaswambwa ganu gatakuloma. ¹⁹ Jilimubhona unu kabhwila olubhao, Imuka! nolo kwa libhuyi linu litakuloma, Imuka!' Ebhinu bhinu ebhiigisha? Nalole chinu ingulu chifundikiye kwa jijahabu na jiela, nawe munda yae chitakwisha mwoyo chimwi. ²⁰ Nawe Yahwe alimu munda ya lisomelo lyae elyelu! Echalo chona chijibhile imbele yae.