¹ Mutegeleshe ligambo linu enaika nichililo ingulu yemwe, munyumba ya Israeli. ² Bikira Owaisraeli aguye, atakwimuka abhilimile munsi yaye ataliwo omunu owokumwimusha. ³ Nikwokutyo Nyamuwanga Kaika: "Echikale chinu bhasokelemo echiwumbi abhasigala egana, abho bhagendele anja egana abhasigala ekumu waimala munyumba eya Israeli. Kulwokubha nikwokutyo nyamuwanga eya Israeli. " Munyige nomwikala." ⁴ Kulwokubha nikwokutyo Nyamuwanga kaika kunyumba eya Israeli. '' Munyige nomwikala." ⁵ Mutamuiga Betheli, nolo okwingila Gilgali; mutemka okugenda Bersheba. Kulwokubha Gilgali bhalija munyanko, nolo Betheli italibha chinu. ⁶ Mumuyenje nyamuwanga omwikala, alyaka omulilo kunyumba eya yusufu gulisingalisha, atalibha omunu nola umwi oyo aliguganya Betheli. ⁷ Abhanu bhaliya abhayindula obhulamusi okubha chinu kisaliji nokugwisha obhulamusi ansi. ⁸ Nyamuwanga akolele Pleidezi nai Orioni; aindiye omwilima okubha katondo; kakola olusiku okubha ngeta nomwilima, nokubhilikila amanji inyanja, omwene kagetila Ingulu yobhusu obhwe chalo. Nyamuwanga nililisina lyaye. ⁹ Omwene kaleta obhunyamusi Ingulu yabhabhuya bhuje ingulu yamusi. ¹⁰ Abhamubhiililwa oyo kabhabhwila echimali mwilango elyechikale, nawe abhamubhiililwa wonawona oyokaika echimali. ¹¹ Kulwokubha omumutaga omutaka ansi nokugega ingano okusoka kumwene nolo obhwo mumbakile jinyumba ejamabhwii agosongola, mutalikala munyumba ejo, mukondelesibhwe namashamba agemijabibu, nawe mtalinywa omuvinyo ghwaye. ¹² Kulwokubha enimenya kutyo muli na ebhikayo bhyanfu, lwakutyo ebhikayo bhyemwe bhili bhinene- emwe omubhebhonela abhalengesi, mulagega ilushwa, nokubhayindula abhendwa mwilango elichikale. ¹³ Kulwejo omunu wobhwenge alijibhila jibhi mukatungu ako. kulwokubha nimwanya ogwo bhubhibhi. ¹⁴ Muige agesiki tali amabhibhi, mubhone obhwikalo. Nikwo yahwe, Nyamuwanga Owebhise, alibha nemwe, lwakutyo kaika omwene niwe owechimali. ¹⁵ Mubhiililwe obhubhili, mulasimbalisha obhulengesi mwilango elyechikale Bhwana, Nyamuwanga owebhise alibhasasila abhasigala abha Yusufu. ¹⁶ Nikwokutyo Bhwanna kaika Nyammuwanga webhise, Bhwana echililo chilibhano mumawoyelo gone namumbalama jona bhalibhabhilikila abhalimi okwalama nabhabhuya obholila nokwalama. ¹⁷ Mumashamba gona agemijabibu chilibhao echililo, kulwokubha enilabha agati yao naika Bhwana. ¹⁸ Ejibhabhona emwe abhomwenda olusiku olwa yahwe, kubhaki omuinambalila? Gulibha mwilimala. ¹⁹ Lwomwanya gunu Omunu kabhilima intale nabhugangana naityanyi indulu, nengila munyumba nata okubhoko kwaye kundugu nalumwa nainjoka. ²⁰ Olusiku olwa Bhwana gulibha mwilima gulibhulayo omusana? Nalisulumbala? ²¹ Enibhiililwa, nokujigaya jisikukuu jemwe enibhiililwa amekofyanyo gemwe agolamya. ²² Nolo nimusosha jisadaka jemwe jona, nitakujilamila, nolo okujilola jisadaka ejobhumwi ejajintanyi ejo jikondele. ²³ Musosheanu okukunga kwajinyimbo jemwe nitakutegelesha amalaka agebhinu ebhyokwimbila. ²⁴ Talimusige, echimali chijololoke, nkamanji nobhulengelesi ogwo ogwituluka nsiku jona. ²⁵ Mwandetela jijabihu najisadaka ejokusosha mwijangwa kwomwanya ogwomiaka makumi gani. ²⁶ Mulamwimusha Skuthi lwomukama wemwe, nakuni,Inyota yemwe eyemismbwa eyo mwaikolele kubhwemwe bhonekili. ²⁷ Nawe enibhafulusha kulubhala lwakabhili olwa Damaskasi" naika Bhwana owalisina lya Nyamuwanga owebhise.