¹ Mutugelesha Omusango ogwa bhwana ogwalomele Ingulu yemwe kubhanu BhaIsraeli Ingulu Yolwi bhulo lwona olwonalusosishe okusoka munsi ya misri, ² Nibhasolele emwela okusoka munyibhulo jona muchalo. Kulwokubha enibhatalika kubhikayo bhyemwe bhyone. ³ Abhanu bhabhili abhatula olibhata amwi bhatekili shanishe? ⁴ Intale eilunduma mwipori ilalolele ntyanyi? Omwana gwaintale oghulunduma okusoka mulyobho lyaye gutagwatile echinu? ⁵ Inyonyi eikoma ansi akatungu chitaliwo echinu echoikoma? ⁶ Indulu ikalila muchalo abhanu bhatakuyalala? ⁷ Kulwokubha bhwana Yesu atalikola chona chona, labha abhegulile omupango abhakosi bhabhatangasha. ⁸ Intale ikalunduma niga atakubhaya? bhwana Yesu alomile; niga atakubhali kisha? ⁹ Tangaja ganu eyo kumisi ogwa Ashdodi, namumisi jona eje misri yaika, "Mwikumaye kumabhanga ga samari ya mulole kutyo okubhiya kulikunene kwaye, nobhwigatilisha obhwo bhuliwo kumwene. ¹⁰ Kulwo kubha bhatakumenya okukola obhulamusi, Bhunu nibhwo bhwana kaika " Lwakutyo Omulefi kakisha amagulu gabhili la kumunwa ogwa Intale nolubhala olwokutwi, Nikwokutyo olwibhulo olwo Israeli lulajunnwa abhobhekaye Samaria amwi naliyembe elyokumamila, naliyembe elyobhulili. ¹¹ Kulwejo, kutyo nikwo Yahwe kaika ati, "Omusoko alijongela echalo. Alikululila ansi amanaga gawo na jimbubha jemwe jiligwatililwa mubhulemo." ¹² Kutyo nikwo Yahwe kaika, lwakutyo omulefi kakisha amagulu gabhili mumunwa gwa intale, amo libhala lyo okutwi, nikwo abhana bha Israeli bhalichungulwa bhanu bhekaye Samaria, amwi ne liyembe elyo kumamila, amo liyembe lyo obhulili." ¹³ Mutegeleshe nokubhambalila Ingulu yomusi ogwa Yakobo bhunu nibhwo Bhwana kaika Nyamuanga we ebhise. ¹⁴ Kulwokubha mulusiku lunu natalika ebhikayo ebhya Israeli, no kubha enijitalika jinyumba eja Nyamuwanga eja Betheli. Jikingi jaji nyumba ejanyamuwanga jilitemwa nokugwa ansi. ¹⁵ Nilinyamula jinyumba ejamumbeo nejamulwanda. Jinyumba eja jinkingija jilisingalika, naji nyumba jinene jilibhula bhunu nibho Bhwana kaika.