¹ Ganu nimagambo Ingulu ya Isaraeli ago Amosi Umwi wabhatangasha Tekoa, agalamiye mubhusululo. Alamiye amagambo ganu munsiku ja uzia Omukama wa Yuda, namunsiku ja Yeroboamu Omwana wa Yoashi Omukama wa Israeli myaka ebhili achali Nyamutikima. ² Aikile," Omukama alilunduma okusokelela Sayuni; alimusha lilaka lyaye okusoka Yerusalemu. Amagabhilo gabhatangasha galijibhili jibh; Omubhumalishisho bhwa Karmeli bhuhotoka. ³ Bhunu nibhwo bhwana kaika " mubhikayo bhisatu ebhya Damaskasi, nolo mubhina nitakuyindula indumu kulwokubha bhaibhumile Gileadi kwe bhinu bhyebhyuma. ⁴ Enisila omulilo kunymba eya Hazaeli, nougusingalisha Omusigwa Ben Hadadi. ⁵ Nilighabhutula amakingija aga Damaskasi nokumunyamula Omunu unu ekaye Bigati Aueni. nomonu uliya agwatiliye Insimbo yechikama Beth endeni. Nabhanu bha shamu bhaligenda munyonko kiri naika Bhwana. ⁶ Bhunu nibhwo Bhwana kaika: " Mubhikayo bhisatu ebya Gaza, nolo bhina, nitakuyindula indamu kolwokubha bhabhagegele munyako bhanu bhone, nibhabhata mumabhokoga Edomo. ⁷ Enilagilisha Omulilo kundugu ja Gaza nigusingalisha Omusi ⁸ Nilimusingalisha kula omunu uliyaekae Ashadodi nomunu agwatiliye Insimbo yobhukama Okusoka Ashkeloni. Eniyindula okubhoko kwani ingulu ya Ekroni, nabhasigwa abafiristi bhalisingalika, Maika Omukama. ⁹ Bhunu nibhwo Bhwana kaika kubhikayo bhisatu ebhya Tiro, nolo kubhina, nitakuyindila kulwokubha bhabhasile bhanu bhonw abha Endamu, bhanyamuye elikilisha lyebhwe lmyobhumwi. ¹⁰ Enilinganisha omulilo kundugu ja Tiro ningusingalisha omosi gwone. ¹¹ Bhunu nibho Bhwana kaika " Kubhikayo bhisatu ebhaya Edomu, nolo kubhina, nitakuyindula indamu kulwokubha amusingalishishe omuiliwabho kwalipanga nalabhilwa echigongo chone. Okubhiililwa kwaye nikugendelela okubha ingulu, libhiilwa lyaye nilisigala milele. ¹² Elilagilisha omulilo ingulu ya Temani, nogusingalisha jinyumba jechikama eja Bozra. ¹³ Bhunu nibhwo Bhwana kaika, kubhikayo bhisatu ejabhanu bha Amoni, nolo kubhina, nitakuyindula indamu, kulwokubha bhamabhata abhagasi abha Giledi abhajinda, ilibhongeshe olukingija lwebhwe. ¹⁴ Enilagilisha Omulilo kundugu eja raba, ogusingalisha jinyumba ejechikama, amwinokukunga munaku ejobhulemo, amwinainyanko munsiku ejakashololo. ¹⁵ Omukama webhwe alija munyanko, omwene nabhakosi bhaye amwi" Aika Bhwana.